Shyǵys Qazaqstandaǵy ózen-kólderde sý deńgeıi qaýipti mejeden tómen

<p>ÓSKEMEN. KAZINFORM &ndash; Shyǵys Qazaqstan oblysydaǵy ózen-kólderde sý deńgeıi qaýipti mejeden tómen. Óńirde sý tasqynyna qarsy sharalar júrgizilýde. Ózen-kólderdi muzdan ashý jumystary jalǵasýda. Sý deńgeıi qaýipti deńgeıden tómen. Muz keptelisin azaıtý úshin jalpy aýdany 221 596 sharshy metrdi quraıtyn 17 jarylys jasaldy. Qazirgi ýaqytta erigen sýdyń ótýine monıtorıng jasalyp jatyr.</p>

«Oblystaǵy qalalar men aýdandardyń ákimdikteri sý tasqynyna daıyndyq barysynda uzyndyǵy 135 shaqyrymdy quraıtyn 72 kanaldy, 376 shaqyrym 448 aryqty, 1735 sý ótkizý qubyry men 277 kópirdi qardan tazartý jumystaryn júrgizgen. Barlyǵy 369 myń tekshe metr qar shyǵaryldy. Respýblıkalyq mańyzy bar avtokólik joldarynda 334 sý ótkizý qurylysy, 85 kópir qardan tazartyldy», - dep habarlady ShQO TJD baspasóz qyzmetinen.

Foto: ShQO TJD

Altaı men Kúrshim aýdandary boıynsha kómekke TJM 68303 áskerı bóliminiń áskerıleri jumyldyryldy. Jaǵdaı qıyndap ketse jergilikti atqarýshy organdar men azamattyq qorǵaý qyzmetterinen 2270 adam, 732 tehnıka, 61 júzý quraly jáne 234 motopompa saqadaı saı.

Sondaı-aq qosymsha Qorǵanys mınıstrliginiń, Ulttyq ulan áskerı bólimderiniń, shekara qyzmeti departamentiniń jáne polıtsııa departamentiniń qyzmetkerlerinen 1379 adam men 55 tehnıka daıyn.

Foto: ShQO TJD