Shyǵys Qazaqstandaǵy qar tazalaıtyn tehnıkalar qysqa áli tolyq daıyn emes
Qazirgi ýaqytta óńir boıynsha aldaǵy qys mezgiline daıyndyq júrgizilip jatyr. Respýblıkalyq jáne oblystyq mańyzy bar joldardaǵy qar tazalaıtyn tehnıkalardyń daıyndyǵy 90 paıyz. Oblysta osyndaı tehnıkalardyń jetispeýshiligi de seziledi.
«Ásirese qar jıi jaýyp ketkende tehnıka jetispeı qalady. Biraq soǵan qaramastan jalǵa alatyn rezervtik tehnıkalar bar. Kelisimsharttar jasap, qajet bolǵan jaǵdaıda qosymsha tehnıka tarta alamyz. Sondaı-aq bıyl «QazAvtoJol» kompanııasymen memorandým jasaldy. Fors-major kezinde jol jóndeý jumystaryn júrgizetin iri merdigerler de tehnıkamen kómektesedi», - deıdi «OblShyǵysJol» JShS jol qaýipsizdigi qyzmetiniń bastyǵy Rıshat Kúderbaev.
Eske salsaq, osyǵan deıin ShQO-da qarasha aıynan bastap qystyń sońyna deıin birneshe jolda kólik qozǵalysy shektelgeni habarlanǵan.