Shyǵys Qazaqstandaǵy qala, aýdan ákimderiniń qyzmettik kólikteri qandaı
Altaı aýdanynyń ákimi Renat Qurmambaev 2024 jyly shyǵarylǵan KIA Sorento kóligimen júredi. Onyń naryqtaǵy ortasha baǵasy – 20 mln 127 myń teńge.
Glýbokoe aýdanynyń ákimi Eldar Týmashınovtyń kóligi budan birshama eskileý eken. Naqty aıtsaq, 2017 jylǵy Toıota Kamrı. Naryqtaǵy ortasha baǵasy – 9 mln 789 myń teńge.
Al Zaısan aýdanyn basqaryp otyrǵan Aelıta Ahmetsálimkyzynyń kóligi ákimder arasyndaǵy eń eskisi. Biraq eski bolǵanmen eńseli. 2007 jylǵy Toyota Land Cruiser. Baǵasy 12-15 mln teńge aralyǵynda.
Katonqaraǵaı aýdanynyń ákimi Danııar Dúısenbaev jınalystar men mańyzdy kezdesýlerge 2017 jylǵy Skoda Superb kóligimen barady. Naryqtaǵy ortasha baǵasy – 10 mln teńge.
Kúrshim aýdanynyń ákimi Almat Aqyshovtyń qyzmettik kóligi – naryqtaǵy ortasha baǵasy 12 mln 350 myń teńgeni quraıtyn 2018 jyly shyqqan Skoda Kodiaq.
Óskemen qalasynyń ákimi Jaqsylyq Omar da Eldar Týmashınov sekildi Toyota Camry-men júredi. Oblys ortalyǵynyń basshysyn tasıtyn kólik 2017 jyly shyǵarylǵan.
Rıdder qalasynyń ákimi Dýman Rahmetqalıev bolsa dál Altaı aýdanynyń ákimi sekildi KIA Sorento kóligimen júredi.
Samar aýdany ákiminiń mindetin atqarýshy Jasulan Maıkenevty baratyn jerine baǵasy 10 mln teńgeden bastalatyn 2023 jylǵy KIA Cerato kóligi jetkizip otyrady.
Tarbaǵataı aýdanynyń ákimi Darhan Jórgekbaevtyń qyzmettik kóligi 2013 jyly shyǵarylǵan Skoda Superb. Kóliktiń naryqtaǵy ortasha baǵasy – 5 mln 380 myń teńge. Bul ShQO ákimderi arasyndaǵy eń arzan kólik.
Ulan aýdanynyń ákimi Arman Bekbosynov Qytaı kóligimen júretin jalǵyz ákim. 2023 jylǵy JAC JS4 kóliginiń Qazaqstandaǵy ortasha baǵasy – 7 mln 349 myń teńge.
Shemonaıha aýdanynyń ákimi Grıgorıı Akýlov ta bir jerge bararda 2017 jylǵy Toyota Camry-ge minedi.