Shyǵys Qazaqstanda jolǵa kóshkin tústi
Tolassyz jaýǵan jańbyrdyń saldarynan taýdan kóshkin júrip, Kúrshim aýdanyndaǵy jergilikti mańyzy bar «Maraldy-Úshbulaq» jolynyń 12-shi shaqyrymynda kólikterdiń júrýine qıyndyq týǵyzdy.
«Taýdan tómen lyqsyǵan topyraq joldyń 50-100 metrdeı bóligin jaýyp qaldy. Qazirgi kezde atalǵan jol bóligine jol-kólik polıtsııasy qyzmetkerlerinen kezekshilik qoıyldy», - dep habarlady ShQO ákimdiginen.
Oqıǵa bolǵan jerde atqarylatyn jumysty anyqtaý úshin aýdandaǵy jaýapty mekemelerdiń basshylary, atap aıtqanda aýdan ákiminiń orynbasary, jolaýshy kóligi jáne avtomobıl joldary bólimi, «Kúrshim» kommýnaldyq sharýashylyǵy, Óskemennen «QazSelQorǵaý» mekemesiniń mamandary jiberildi.
Tekserý qorytyndysy boıynsha tıisti sharalar qabyldanady.
Jaǵdaı aýdan ákiminiń jeke baqylaýynda.