Shyǵys Qazaqstanda jol apatynan 4 adam kóz jumdy

<p>Shyǵys Qazaqstan oblysyndaǵy &laquo;Óskemen-Shemonaıha&raquo; tasjolynda jol apatynan 4 adam qaza tapty, dep habarlaıdy <a href="Kazinform." target="_blank" rel="noopener">Kazinform.</a></p>

ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 2 qańtarda «Óskemen-Shemonaıha» tasjolynyń segizinshi shaqyrymynda bolǵan.

«Ývarovo aýylyna burylysqa jaqyn jerde Toyota Corona Premio men Tayota Vista kólikteri soqtyǵysqan. Sonyń saldarynan tórt adam qaza boldy. Onyń ekeýi kámelettik jasqa tolmaǵan», - dep habarlady vedomstvo ókilderi.

Qazirgi ýaqytta atalǵan fakti boıynsha QR Qylmystyq Kodekstiń 345- baby 4-bóligimen (Abaısyzda eki nemese odan kóp adamnyń ólimine ákep soqqan jol qozǵalysy erejelerin buzý) sotqa deıingi tergeý amaldary júrgizilýde. Tıisti saraptamalar taǵaıyndalǵan. Oqıǵanyń mán-jaıy anyqtalyp jatyr.