Shyǵys Qazaqstanda taǵy da qar kóshkini túsirildi

<p>ÓSKEMEN. KAZINFORM &ndash; Shyǵys Qazaqstan oblysynda qar kóshkininiń aldyn alý jumystary jalǵasyp jatyr.</p>

ShQO tótenshe jaǵdaılar departamenti baspasóz qyzmetiniń málimetine súıensek, «Óskemen-Taýly Úlbi-Soltústik» tasjolynyń ýchaskesinde jasandy jolmen qar kóshkini júrgizildi. 

- Taýda birneshe jarylys jasalyp, 3150 tekshe metr qar túsirildi. Sodan soń arnaıy tehnıkalarmen jol qardan tolyqtaı tazartyldy, - delingen aqparatta. 

Aıta keteıik, «Qazseldenqorǵaý» mekemesiniń mamandary taýlarǵa monıtorıng júrgizgennen keıin profılaktıkalyq maqsatta qar kóshkinin túsirý qajettiligi týraly sheshim qabyldap otyrady. Al TJD qyzmetkerleri jumystardyń qaýipsizdigin qamtamasyz etedi.

Eske salsaq, osyǵan deıin Shyǵys Qazaqstanda qar kóshkinine qarsy jańa tásil qoldanylǵany habarlanǵan.