Shyǵys Qazaqstanda taǵy bir sý qoımasy salynady

<p>Shyǵys Qazaqstan oblysynda eki sý qoımasy jańǵyrtylady jáne jańa sý qoımasy salynady. Bul týraly oblys ákimi Ermek Kósherbaev aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Prezıdent óz joldaýynda sý resýrstaryn utymdy paıdalanýǵa erekshe nazar aýdardy. Shyǵys Qazaqstan oblysynda respýblıka sý aıdyndarynyń 40%-y shoǵyrlanǵan. Aýyl sharýashylyǵyn damytý úshin sý – ónimdilikti arttyrýdyń negizgi faktory. Kelesi jyldan bastap Úıdene jáne Qandysý atty oblystaǵy iri sý qoımalarynda qaıta jańǵyrtý jumystary bastalady. Sondaı-aq Zaısan aýdanyndaǵy Kendirlik ózeninde sý qoımasyn salý josparlanyp otyr», - dedi E.Kósherbaev Ortalyq kommýnıkatsııalar qyzmetinde ótken baspasóz máslıhatynda.

ShQO ákiminiń aıtýynsha, nátıjesinde sýarmaly jáne egistik jerlerdiń kólemi 30 myń gektarǵa deıin ulǵaıady jáne aldyn ala esepteý boıynsha 830 fermerlik sharýashylyqty sýmen qamtý múmkindigi bolady.

Aıta keteıik, Ermek Kósherbaev elordada Shyǵys Qazaqstan oblysynyń áleýmettik-ekonomıkalyq damýy týraly esep berip jatyr.

Buǵan deıin óńir basshysy Shyǵys Qazaqstan oblysyndaǵy ortasha jalaqy 305 myń teńge ekenin aıtqan edi.