Shyǵys Qazaqstanda sońǵy bir aptada 28 ret jol jabyldy

<p>ÓSKEMEN. KAZINFORM — Shyǵys Qazaqstan oblysynda sońǵy bir aptada aýa raıy qolaısyzdyǵyna baılanysty 28 ret jol jabyldy.</p>

Óńirde sońǵy jeti kún boıy qatty jel men qarly boran soǵyp tur.

Sonyń saldarynan oblystyq jáne respýblıkalyq mańyzy bar joldar bir aptada 28 ret jabylǵan.

«Shyǵys Qazaqstanda qar kóshkini qaýpi de saqtalýda. „Qazseldenqorǵaý“ ShQ fılıalynyń mamandary qaýipti ýchaskelerge baqylaý júrgizip jatyr. Sondaı-aq profılaktıkalyq maqsatta kóshkin túsirip jatyr. Qys mezgiliniń basynan beri barlyǵy 29 ret jasandy jolmen qar kóshkini júrgizilgen. Nátıjesinde 48 300 tekshe metr qar tústi», — dep habarlady ShQO tótenshe jaǵdaılar departamentinen.

Ótken táýlikte qutqarýshylar Shemonaıha aýdanynda jedel járdem kóligine kómek kórsetti.

Onyń júrgizýshisi rýlge ıe bola almaı qalyp, kólik jyraǵa qulaǵan.

«Aımaqta qatty jel, kóktaıǵaq jalǵasyp jatyr. Osy rette, azamattardan daýyldy eskertý jarııalanǵan kezde eldi mekenderden alys jolǵa shyqpaýdy suraımyz», — delingen aqparatta.