Shyǵys Qazaqstanda sileýsin aýyl ishine kirip ketken

<p>ÓSKEMEN. KAZINFORM &ndash; Shyǵys Qazaqstan oblysy Shemonaıha aýdanynda sileýsin aýyl ishine kirip ketip, mysyqqa tap bergen.&nbsp;</p>

Áleýmettik jelide Shemonaıha aýdanyndaǵy birneshe eldi mekende sileýsin júrgeni jaıly vıdeolar tarady. Túz taǵysy Pervomaıskıı aýylynda mysyqqa atylsa, Jańa Buqtyrma kentindegi demalys bazalarynyń ishine kirip ketken. 

Turǵyndar bul týraly polıtsııaǵa habarlaǵan. ShQO Polıtsııa departamentiniń málimetine súıensek, qazir sileýsin tabıǵı ortaǵa jiberildi. 

- Polıtsııaǵa Pervomaıskııdegi Metallýrgter kóshesinde sileýsinniń úı janýarlaryna tap bergeni týraly habar tústi. Ýchaskelik ınspektor sol jerge qoryqshy men tabıǵatty qorǵaý polıtsııasynyń qyzmetkerlerin shaqyrdy. Olar sileýsindi ustap, tabıǵı ortaǵa jiberdi, - dep habarlady departamenttiń baspasóz qyzmetinen. 

Eske salsaq, osyǵan deıin ShQO-da er adam ózi jumys istegen qojalyqtyń 20-ǵa jýyq jylqysyn urlaǵany habarlanǵan.