Shyǵys Qazaqstanda metapnevmovırýs juqtyrǵandar tirkelgen joq

<p>ÓSKEMEN. KAZINFORM &ndash; Shyǵys Qazaqstan oblysynda metapnevmovırýs ınfektsııasyn juqtyrǵandar tirkelgen joq.</p>

ShQO sanıtarlyq-epıdemıologııalyq baqylaý departamentiniń málimetine súıensek, bıylǵy epıdemııalyq maýsymda oblysta metapnevmovırýs juqtyrǵandar bolǵan joq. Alaıda 2022 jáne 2023 jyldary 14 jasqa deıingi balalar arasynda metapnevmovırýske shaldyqqan 1 baladan tirkelgen.

- Óńirde ótken aptadan beri 6466 adam JRVI-men aýyrdy. Onyń ishindegi 3436-y 14 jasqa deıingi bala. Barlyǵy 83 adam aýrýhanaǵa jatqyzyldy. Onyń aldyndaǵy aptamen salystyrǵanda aýyrǵandar sany 34,7%-ǵa azaıǵany baıqalady, - deıdi departamenti basshysynyń orynbasary Sáýle Slıamǵazına.

Kúz bastalǵaly beri Shyǵys Qazaqstanda 100 myńnan astam JRVI-ge shaldyqqan. Ótken epıdemııalyq maýsymmen salystyrǵanda aýyrǵandar kórsetkishi 8,89%-ǵa ósti.

Eske salsaq, osyǵan deıin Oqý-aǵartý mınıstri Ǵanı Beısembaev Qazaqstanda metapnevmovırýstyń taralýyna baılanysty mektepterde shekteýler engizý týraly suraqtarǵa jaýap bergeni habarlanǵan.