Shyǵys Qazaqstanda qos azamattyqpen júrgen 48 adam anyqtaldy

<p>ÓSKEMEN. KAZINFORM &ndash; Shyǵys Qazaqstan oblysynda jyl basynan beri tártip saqshylary qos azamattyqpen júrgen 48 azamatty anyqtady. Onyń 9-y sot sheshimi boıynsha el aýmaǵynan shyǵaryldy.</p>

Óńir polıtseıleri qos azamattyǵy bar adamdardy anyqtap jatyr. Máselen Óskemen qalasynyń 59 jastaǵy turǵyny 2021 jyldyń mamyr aıynda kórshi memlekettiń azamattyǵyn alǵany belgili boldy. Biraq bul týraly zańda belgilengen merzimde quqyq qorǵaý organdaryna habarlamaǵan. 

«Sheteldiktiń jeke kýáligi men Qazaqstan Respýblıkasy azamatynyń tólqujaty tárkilendi. Qazirgi ýaqytta ol Qazaqstan azamattyǵynan aıyryldy. Zańdy buzǵany úshin er adam 200 AEK kóleminde aıyppul tóledi», - deıdi ShQO PD Kóshi-qon qyzmeti basqarmasynyń bastyǵy Rınat Shkıbaev.

Eske sala keteıik, buǵan deıin Túrkistanda qos azamattyǵy bar amerıkalyq erli-zaıyptyǵa aıyppul salynǵanyn jazǵan edik.