Shyǵys Qazaqstanda qaıyqtan qulaǵan balyqshy sýǵa batyp ketti

<p>ÓSKEMEN. KAZINFORM &ndash; Shyǵys Qazaqstan oblysy Altaı aýdanynda qaıyqtan qulaǵan balyqshy sýǵa batyp ketti.&nbsp;</p>

ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa 14 sáýirde Altaı aýdany Kremnıýha aýylynan 10 shaqyrym jerde bolǵan. Er adam Ertis ózenine balyq aýlaýǵa barǵan.

«Belgili bolǵandaı, ol buryn ornatylǵan balyq aýlaý torlaryn tekserý kezinde qaıyqtan qulap ketken. Ústinde qutqarý jıleti bolmaǵandyqtan qaıta shyǵa almaı sýǵa batty. TJD súńgýirleri sol jerge kelip jetip, 40 jastaǵy azamattyń denesin taýyp, jaǵaǵa alyp shyqty», - dep habarlady vedomstvo ókilderi.

Osy rette, qutqarýshylar óńir jurtshylyǵyna balyq aýlaýǵa barǵanda qaýipsizdik sharalaryn qatań saqtap, qaıyqqa otyrǵanda qutqarý keýdeshesin mindetti túrde kııý kerektigin eskertedi.