Shyǵys Qazaqstanda qar kóshkini júrdi

<p>ÓSKEMEN. KAZINFORM &ndash; Shyǵys Qazaqstan oblysynda qar kóshkini júrdi.&nbsp;</p>

ShQO Tótenshe jaǵdaılar departamenti baspasóz qyzmetiniń málimetine súıensek, kóshkin 11 aqpanda saǵat 11.30 shamasynda oblystyq mańyzy bar «Óskemen-Tarǵyn-Samar» tasjolyna tústi.

«Naqty aıtqanda, tasjoldyń 132 shaqyrymyndaǵy Samar aýdanynyń aýmaǵynda bolǵan. Qardyń kóp jaýýynan jáne jeldiń kúsheıýine baılanysty jalpy kólemi 1300 tekshe metr qar tústi. Abyroı bolǵanda, zardap shekken adam, qıraǵan nysan nemese búlingen kólik joq», - delingen aqparatta.

Qar joldy tolyǵymen jaýyp tastady. «OblShyǵysJol» JShS-dan 2 adam jáne 2 tehnıka tartyldy. Qazirgi ýaqytta joldy tazartý jumystary júrgizilýde.

Atalǵan ýchaskede jol qaýipsizdigin qamtamasyz etý úshin polıtsııa qyzmetkerleri kelip jetip, post qoıyldy.