Shyǵys Qazaqstanda qar qóshkini túsiriletindikten jol jabylady

<p>ÓSKEMEN. KAZINFORM &ndash; Shyǵys Qazaqstan oblysynda 8 qańtarda qar qóshkini túsiriletindikten jol jabylady.</p>

«Qazseldenqorǵaý» mekemesi ShQO fılıalynyń málimetine súıensek, 8 qańtarda saǵat 10-00-de óńir joldarynyń birinde jasandy jolmen qar kóshkini túsiriledi.

- Oblystyq mańyzy bar «Óskemen-Tarǵyn-Samar» tasjolynyń 95-102 shaqyrymy profılaktıkalyq maqsatta qar kóshkini túsiriletindikten jabylady. Kólik júrgizýshilerine óz marshrýttaryn aldyn ala josparlap alýdy suraımyz, - delingen aqparatta.

Qys bastalǵaly beri Shyǵys Qazaqstanda 15 ret profılaktıkalyq qar kóshkini júrgizildi. Sonyń nátıjesinde jalpy kólemi shamamen 6665 tekshe metr qar túsirilgen.

Eske salsaq, osyǵan deıin ShQO-da qar mol jaýǵandyqtan kóshkin júrý qaýpi artqany habarlanǵan.