Shyǵys Qazaqstanda qar kóshkini túsirildi
ShQO tótenshe jaǵdaılar departamenti baspasóz qyzmetiniń málimetine súıensek, qar kóshkininiń aldyn alý jumystary respýblıkalyq mańyzy bar «Óskemen-Altaı» tasjolynyń 58-66 shaqyrymynda júrgizildi.
— Taýda jarylys jasalyp, barlyǵy 5090 tekshe metr qar túsirildi. Jol qardan jedel tazartyldy. Oblysta barlyǵy qar kóshkini júrý qaýpi joǵary 325 ýchaske bar. Olarǵa monıtorıng turaqty túrde júrgiziledi. Qar ólshegishterdiń kómegimen baqylaýshylar jarylys jumystaryn júrgizý qajettiligin anyqtaıdy, — deıdi «Qazseldenqorǵaý» ShQ fılıalynyń basshysy Sovetbek Stanbekov.
Óńirdiń taýly jerlerinde kóshkin júrý qaýpi áli de bar. Sondyqtan turǵyndarǵa taýǵa barýdan bas tartý qajettigi eskertildi.
Eske salsaq, osyǵan deıin Shyǵys Qazaqstan oblysynda bir kúnde eki ret qar kóshkini júrgeni habarlanǵan.