Shyǵys Qazaqstanda qar kóshkini qaýpine baılanysty tasjoldardyń biri jabylady

<p>ÓSKEMEN. KAZINFORM &ndash; Shyǵys Qazaqstan oblysynda qar kóshkini júrý qaýpine baılanysty tasjoldardyń biri jabylmaq.</p>

ShQO Tótenshe jaǵdaılar departamenti baspasóz qyzmetiniń málimetine súıensek, óńirdegi tasjoldardyń birine qar kóshkini túsýi yqtımal.

– Búgin saǵat 20.00-den bastap oblystyq mańyzy bar «Óskemen-Tarǵyn-Samar» tasjolynyń ýchaskesinde (Taıynty men Samar aýyldarynyń arasy) kóliktiń barlyq túri úshin qozǵalysqa tyıym salynady, - delingen aqparatta.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi.

Eske salsaq, osyǵan deıin Shyǵys Qazaqstan oblysynda bir kúnde eki ret qar kóshkini júrgeni habarlanǵan.