Shyǵys Qazaqstanda qar kóshkini qaýpine baılanysty eki jol jabyldy

<p>ÓSKEMEN. KAZINFORM &ndash; Shyǵys Qazaqstan oblysynda qar kóshkini júrý qaýpine baılanysty eki jolda kólik qozǵalysyna tyıym salyndy.</p>

ShQO tótenshe jaǵdaılar departamenti baspasóz qyzmetiniń málimetine súıensek, óńirdegi eki tasjoldy qar kóshkini jaýyp qalý qaýpi týyndady.

«Respýblıkalyq mańyzy bar «Óskemen — Altaı — Úlken Naryn-Katonqaraǵaı — Rahman qaınary» tasjolynyń 6-166 shaqyrymynda (Ýshanov kenti men Altaı qalasyna deıingi aralyqta) jáne «Óskemen-Tarǵyn-Samar» tasjolynyń 88-145 shaqyrymynda (Joǵary Taıynty men Samar aýylynyń aralyǵy) kóliktiń barlyq túri úshin qozǵalysqa tyıym salyndy. Óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes beremiz», — delingen aqparatta.