Shyǵys Qazaqstanda kadr tapshylyǵy máselesi ózekti

<p>ÓSKEMEN. KAZINFORM &ndash; Shyǵys Qazaqstan oblysynda túrli salalarda kadr tapshylyǵy máselesi ózekti bolyp otyr.</p>

Oblystyq kásipkerler palatasy júrgizgen zertteý barysynda óńirde kadr tapshylyǵy sezilip otyrǵany anyqtaldy. Ásirese óndiris, qurylys, saýda, bilim, densaýlyq saqtaý jáne áleýmettik salada tapshylyq joǵary.

- Zertteýge Shyǵys Qazaqstan boıynsha 2 myńǵa jýyq kásiporyn qatysty. Olardyń esepteýi boıynsha 2025 jyly kadrlarǵa degen qajettilik 7965 adamdy quraıdy. Ásirese jumysshy mamandyqtarynda bos oryn kóp, - deıdi ShQO kásipkerler palatasy adamı kapıtaldy damytý bóliminiń basshysy Áset Ádilhan.

Ásirese ken kúıdirý jáne metall kúıdirý peshteriniń operatory, gaz kesýshiler, avtoslesar, avtomehanık, armatýrashy, metall qurylymdaryn montajdaýshy, elektrık, aǵash ustasy, satýshy men avtobýs júrgizýshisine suranys joǵary.

– Joǵary bilimdi mamandarǵa suranys salystyrmaly túrde tómen. Negizgi qajettilik – kolledj túlekteri. Bul 4,3 myń adam, - deıdi Áset Ádilhan.

Eske salsaq, osyǵan deıin Óskemende kásipker ákimdikpen sottasyp, jeńip shyqqany habarlanǵan.