Shyǵys Qazaqstanda halyqaralyq búrkitshiler festıvali máresine jetti
Eki kúnge sozylǵan festıvalde álemniń birneshe elinen kelgen qusbegiler saıysqa tústi. Atap aıtqanda, Mońǵolııa, Qytaı, Qyrǵyzstan, Reseı jáne Majarstannan qatysýshylar shaqyrylǵan. ShQO týrızm jáne sport basqarmasynyń málimetine súıensek, bul sharany ótkizýdegi negizgi maqsat - qazaq halqynyń baı mádenı murasyn jandandyryp, ulttyq sport pen qundylyqtardy dáripteý arqyly salamatty ómir saltyn nasıhattaý.
Búrkitshiler qustardy jemge, erkin jáne ıesiniń shaqyrýymen ushyrý saıystarynda, shyrǵamen qoıan jáne túlki aýlaý jarystarynda baq synasty. Respýblıkalyq «Qusbegilik» federatsııasynyń prezıdenti Berik Ýálıdiń aıtýynsha, festıval Dúnıejúzilik kóshpendiler oıyndarynyń jalǵasy bolǵandaı.
«Osyndaı festıvaldiń respýblıkamyzda ótip jatqanyna óte qýanyshtymyz. Bul týrızmdi damytýǵa úles qosyp, sheteldik qonaqtardy elimizdiń salt-dástúrimen, tarıhymen tanystyrdy. Búgingi festıval joǵary deńgeıde uıymdastyryldy. Prezıdent Qasym-Jomart Toqaev atap ótkendeı, Kóshpendiler oıyndarynyń baǵdarlamasyna engen bul ulttyq sport Olımpıadalyq deńgeıge de jetýi tıis», - dedi Berik Ýálı.
Jarys qorytyndysy kelesideı:
Búrkit salý:
1-oryn Sálimhan Erǵazyuly (Jetisý oblysy)
2-oryn Kúntýǵan Serikbek (Astana qalasy)
3-oryn Erlan Kenjetaev (Aqmola oblysy), Oljas Berdimurat (Almaty oblysy)
Qarshyǵa saıysy:
1-oryn Erasyl Serikbekuly (Astana qalasy)
2-oryn Ermuhan Báıetbaı (Almaty oblysy)
3-oryn Jambyrbek Berdııar (Jambyl oblysy), Babajan Berikbolsyn (Jambyl oblysy).
Suńqar men ıtelgi salý:
1 jáne 2 oryn Tańat Ospanqulov (Qaraǵandy oblysy)
3-oryn Temiráli Tólegenuly (Qaraǵandy oblysy), Imanzaıyp Ermek (Pavlodar oblysy).
Eske salsaq, osyǵan deıin ShQO-da halyqaralyq «Shyǵys salburyny» búrkitshiler festıvali ótetindigin habarlaǵan edik.