Shyǵys Qazaqstanda eki bala ıis tıip ýlandy

<p>Shyǵys Qazaqstan oblysy Ulan aýdanynda kómirtegi totyǵymen ýlanǵan eki bala aýrýhanaǵa jetkizildi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa 16 qarasha kúni Ulan aýdany Vostochnoe aýylynda bolǵan. Jeke turǵyn úıdegi pesh paıdalaný erejesiniń buzylýy eki balanyń ýlanýyna ákelip soqty.

«Naqty aıtqanda, jer úıdegi pesh murjasy ýaqtyly tazalanbaǵan. 2009 jáne 2012 jyly týǵan eki bala shuǵyl túrde Óskemendegi Ana men bala ortalyǵyna jetkizildi. Bıyl qutqarýshylar profılaktıkalyq reıd aıasynda osy otbasynyń úıinde bolyp, peshti qaýipsiz paıdalaný boıynsha nusqaýlyqtar bergen bolatyn. Alaıda ata-anasy odan esh nátıje shyǵarmady», - delingen aqparatta.

Departament qyzmetkerleri oblys boıynsha jylytý maýsymy bastalǵaly beri jeke turǵyn úılerge 83 myńnan astam tekserý júrgizgen.