Shyǵys Qazaqstanda demalys kúnderi ıis tıgen 3 adam kóz jumdy

<p>ÓSKEMEN. KAZINFORM &ndash; Shyǵys Qazaqstan oblysynda demalys kúnderi eki jer úıde ýly gaz tarap, 3 adam qaza tapty.</p>

ShQO Tótenshe jaǵdaılar departamenti baspasóz qyzmetiniń málimetinshe, birinshi oqıǵa 8 naýryzda Ulan aýdanynda bolǵan.

«Mamaı Batyr aýylyndaǵy jer úıde pesh paıdalaný kezinde qaýipsizdik talaptaryn saqtamaý saldarynan ýly gaz tarap, 73 jastaǵy áıel adam kóz jumdy. Onyń 51 jastaǵy uly ıis tııý belgilerimen aýrýhanaǵa jetkizildi. Qazirgi ýaqytta ol dárigerlerdiń baqylaýynda», - delingen aqparatta.

Ekinshi qaıǵyly jaǵdaı 10 naýryzda Shemonaıha aýdany Kamyshınka aýylynda tirkelgen.

«Peshten shyqqan kómirqyshqyl gazynan 58 jastaǵy áıel men 35 jastaǵy uly qaza boldy. 37 jastaǵy taǵy bir uly aýyr halde aýrýhanaǵa jetkizildi», - delingen habarlamada.