Shyǵys Qazaqstanda brýtsellez órship ketti – feık

<p>ÓSKEMEN. KAZINFORM &ndash; Shyǵys Qazaqstan oblysynda brýtsellez órship ketkeni jaıly aqparat tarady. Biraq bul shyndyqqa janaspaıtyn bolyp shyqty.&nbsp;</p>

Sońǵy kúnderi áleýmettik jelide Shyǵys Qazaqstan oblysynyń birneshe aýdanynda 30-dan astam adamnyń brýtsellez dertine shaldyqqany jaıly aqparat tarap ketti. Onda ásirese Altaı jáne Úlken Naryn aýdandarynda aýyrǵandardyń kóptigi, ınfektsııanyń órshýine baılanysty tótenshe jaǵdaı engizilip, syrtqa et shyǵarýǵa tyıym salynatyndyǵy týraly jazylǵan. 

Alaıda ShQO sanıtarlyq-epıdemıologııalyq baqylaý departamenti bul aqparattyń jalǵan ekendigin málimdedi. 

«Tarap jatqan bul habarlama shyndyqqa múlde janaspaıdy. Búginde Altaı jáne Úlken Naryn aýdandarynda adamdar arasynda brýtsellezge shaldyqqandar joq. Sondaı-aq medıtsınalyq mekemelerden shuǵyl derek túspedi», - delingen vedomstvo ókilderi taratqan habarlamada. 

Eske salsaq, osyǵan deıin Shyǵys Qazaqstanda tumaý juqtyrǵandar sany 5,6 ese artqany habarlanǵan.