Shyǵys Qazaqstanda bıyl kene shaqqandar kóbeıdi

<p>ÓSKEMEN. KAZINFORM &ndash; Shyǵys Qazaqstan oblysynda bıyl kene shaqqandar sany 6,4 paıyzǵa artyp otyr.</p>

ShQO sanıtarlyq-epıdemıologııalyq baqylaý departamentiniń málimetine súıensek, sáýir aıynan beri oblys boıynsha kene shaqqan 3927 adam dárigerge qaralǵan. Bul kórsetkish ótken jyldyń sáıkes kezeńimen salystyrǵanda 6,4 paıyzǵa kóbeıdi. Sebebi bıyl óńirde kenelerge qolaıly aýa raıy bolǵan. 

«Keneden zardap shekkender sany boıynsha Óskemen qalasy (1917 adam) birinshi orynda. Odan keıin Rıdder qalasy men Altaı aýdanynyń halqy tur. Al kene eń az shaqqandar Ulan aýdanynda (13 adam)», - delingen aqparatta.

Aýrýhanaǵa qaralǵandardyń 94 paıyzy ımmýnoglobýlın aldy. Qalǵandaryna kene entsefalıti vırýsynyń áserin beıtaraptandyratyn ekpe salynbady. Keıbireýleri óz erkimen bas tartsa, basqalary dárigerge tym kesh júgingen. 

Eske salsaq, osyǵan deıin Shyǵys Qazaqstanda tumaý juqtyrǵandar sany 5,6 ese artqany habarlanǵan.