Shyǵys Qazaqstanda azyq-túlik baǵasyn turaqtandyrý úshin qandaı sharalar atqarylyp jatyr

<p>ÓSKEMEN. KAZINFORM &ndash; Búgin QR Prezıdenti janyndaǵy Ortalyq kommýnıkatsııalar qyzmetiniń kóshpeli baspasóz konferentsııasynda Shyǵys Qazaqstan oblysynyń ákimi Ermek Kósherbaev óńirde azyq-túlik baǵasyn turaqtandyrý úshin qandaı sharalar atqarylyp jatqanyn aıtyp berdi.</p>

— Shaǵyn jáne orta bıznesti qoldaýdyń ekonomıkany damytýdaǵy mańyzy zor. Osy maqsatta 674 jobany sýbsıdııalaýǵa jáne kepildendirýge 2,1 mlrd teńge bólingen. «Aq-Nıet» óńirlik baǵdarlamasy sheńberinde 167 jobaǵa 1,8 mlrd teńgege nesıe berildi. Bul salyq tólemderin 28,9%-ǵa, ınvestıtsııa kólemin 16,4%-ǵa jáne shaǵyn-orta bıznes óndirgen ónimniń úlesin 15,7%-ǵa ulǵaıtýǵa múmkindik berdi. Azyq túlik baǵasyn turaqtandyrý úshin jergilikti fermerler men taýar óndirýshilerdi sýbsıdııalaý, memlekettik baǵdarlamalar arqyly qoldaý sharalary júzege asyrylýda, — deıdi aımaq basshysy.

Foto: Shyǵys Qazaqstan oblysy ákimdigi

Áleýmettik mańyzy bar taýarlardy tómengi baǵamen satý oryndary turaqty baqylaýǵa alynǵan.

Turǵyndarǵa sapaly ári qoljetimdi azyq-túlik jetkizý úshin jyl basynan beri 1,4 mlrd teńgege 462 jármeńke uıymdastyryldy.

— «Altaı» kóterme jáne bólshek saýda ortalyǵy tolyq iske qosylǵanda taýardy sharýa qojalyqtarynan deldalsyz, tikeleı alatyn múmkindik týady. Atqarylǵan sharalar men memlekettik qoldaýdyń nátıjesinde 28 jańa óndiris oryndary men shaǵyn óńdeý tsehtary ashyldy. Osylaısha et jáne balyq ónimderinen konservi shyǵarý boıynsha respýblıkada ekinshi orynǵa shyqtyq, — deıdi Ermek Kósherbaev.