Shyǵys Qazaqstan oblysyndaǵy «Ertis» shahtasynda 4 adam qaza tapty

<p>ÓSKEMEN. KAZINFORM &ndash; Jazataıym oqıǵa 31 tamyzda saǵat 17.30 shamasynda KAZ Minerals kompanııasyna qarasty &laquo;Ertis&raquo; shahtasynda bolǵan.&nbsp;</p>

«Shahtadan 4 adamnyń máıiti tabyldy. Olardyń ekeýi kásiporynnyń, ekeýi merdiger uıymnyń jumysshylary bolǵan. Aldyn ala derek boıynsha jumysshylar gazdan ýlanyp qalǵan», - dep habarlady KAZ Minerals kompanııasynyń baspasóz qyzmetinen.

Oqıǵanyń mán-jaıy men sebepteri anyqtalýda. Tergeý jónindegi arnaıy komıssııa quryldy.

KAZ Minerals kompanııasy dırektorlar keńesiniń tóraǵasy Oleg Novachýk qaıǵyly oqıǵany tergeýge jeke qatysý úshin «Ertis» shahtasyna bardy.

«Kásiporyn basshylyǵy men ujymy qaza bolǵandardyń týystary men jaqyndaryna qaıǵyra kóńil aıtady. Kompanııa marqumdardyń otbasylaryna jan-jaqty kómek kórsetedi», - delingen aqparatta.

ShQO TJD dereginshe, taǵy bir adam ShQO Glýbokoe aýdandyq aýrýhanasyna jatqyzylǵan. Dárigerler onyń jaǵdaıyn turaqty dep baǵalap otyr.