Shyǵys Qazaqstan oblysynda jol jóndeý boıynsha rekordtyq kórsetkish ornady

<p>ÓSKEMEN. KAZINFORM &ndash; Byltyr aımaq basshysy Ermek Kósherbaev 2024 jyldy &laquo;Jol jyly&raquo; dep jarııalady. Bıyl oblys boıynsha 600 shaqyrym jol jóndelip, rekordtyq kórsetkish ornatyldy.&nbsp;</p>

«Joldardy jóndeýge arnalǵan baǵyttar tek ekonomıkalyq negiz boıynsha emes, óńirdegi kólik júrgizýshileri men turǵyndardyń qalaýy boıynsha tańdaldy. Oblysta týrıstik oryndarǵa aparatyn tasjoldardy jóndeýge jáne qaıta jańartýǵa erekshe kóńil bólindi», - dedi oblys ákimi Ermek Kósherbaev Óńirlik kommýnıkatsııalar qyzmeti alańynda ótken brıfıngide. 

Aýyldyq eldimekender de nazardan tys qalǵan joq. Bıyl alǵash ret 79 shaǵyn aýylda 120 shaqyrymdy quraıtyn ortalyq kóshelerge kezeń-kezeńimen asfalt tósep, kóshelerdi jaryqtandyrý josparlanyp otyr. 

Osy jyly oblys aýmaǵy arqyly ótetin respýblıkalyq mańyzy bar tasjoldarǵa aýqymdy jóndeý jumystary júrgizildi. 2024-2025 jyldar aralyǵynda barlyǵy 392 shaqyrym joldy jóndeý josparlanǵan. Atalǵan jobalardy iske asyrý nátıjesinde respýblıkalyq mańyzy bar joldardyń barlyq ýchaskeleriniń jaǵdaıy jaqsartylady. 

Sondaı-aq 2025 jyly aımaqtaǵy uzaq merzimdi iri qurylys nysandarynyń biri – Óskemen – Rahman qaınary tasjolyn aıaqtaý josparlanýda. Bul jol 3 aýdandy baılanystyryp, Qazaqstannyń týrıstik oryndar qataryna jatatyn Katonqaraǵaı aýdanyna aparady.

Jol máselesine kelgende Shyǵys Qazaqstandaǵy eń iri kólik-logıstıkalyq jobalardyń biri – Buqtyrma sý qoımasy arqyly ótetin kópir qurylysynyń aıaqtalýyn aıta ketken jón. Ol birden alty aýdandy baılanystyryp, turǵyndardyń klımattyq jaǵdaılar men parom ótkeline degen táýeldiligin joıdy.