Shyǵys Qazaqstan oblysynda qundyzdar Taıynty ózenin tasytyp jibere jazdady

<p>ÓSKEMEN. KAZINFORM &ndash; ShQO-daǵy Taıynty ózeni arnasynan asyp kete jazdady. Buǵan qundyzdar sebepker boldy.&nbsp;</p>

Ulan aýdanyna qarasty Ognevka aýylynyń mańynda ańdar 20-dan astam aǵashty qulatyp, ol ózen arnasyn jaýyp qalǵan. 

«Tipti ózen sál tasysa da joldy sý basar edi. Sonyń saldarynan Ognevka aýylynyń halqy eshqaıda shyǵa almaı qalýy yqtımal-tuǵyn. Sondaı-aq aýyldaǵy kóshelerdiń biri oıpatta ornalasqandyqtan, sý turǵyn úılerge de jetýi múmkin edi. Sondyqtan máseleni tez arada sheshýge týra keldi», - deıdi Ulan aýdanyndaǵy «Kommýnalnık» KMK dırektory Serik Tólesov. 

Foto: Kazinform

Sol jerge 10 adam men 3 tehnıka tartylyp, jaǵdaı qalypqa keldi. Ózen arnasyndaǵy aǵashtar alynyp, muqtaj otbasylarǵa otyn retinde taratylady. 

Aıta keteıik, mundaı oqıǵalar osynda buǵan deıin de bolǵan. Sondyqtan ózender árkez baqylaýǵa alynǵan. 

Eske salsaq, osyǵan deıin Rıdderde tabıǵattyń tosyn minezinen keıin halyq birneshe kún boıy sýsyz qalǵany habarlanǵan edi.