Shyǵys Qazaqstan oblysy 2024 jyldy «Jol jyly» dep jarııalady

<p>Shyǵys Qazaqstanda 2024 jyl &laquo;Jol jyly&raquo; dep jarııalanady. Onyń aıasynda jol salý men jóndeýge bólinetin bıýdjet eki ese kóbeıtiledi. Bul týraly óńir basshysy Ermek Kósherbaev eseptik kezdesýinde aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«Halyqpen kezdesýlerde joldardyń sapasy máselesi jıi kóteriledi. Bul máseleniń kóterilýi zańdy, másele shynynda da ózekti. Sondyqtan biz 2024 jyldy «Joldar jyly» dep jarııalaýdy uıǵardyq. Kelesi jyldan bastap oblystyq jáne aýdandyq mańyzy bar joldardy jóndeýdi qarjylandyrý 7-den 15 mlrd teńgege deıin eki esege ulǵaıtyldy. Al eldi mekenderdiń kósheleri men jol qurylystaryn jóndeýdi eskere otyryp, barlyǵy 28 mlrd teńge bólý josparlanýda», - dedi E. Kósherbaev Ortalyq kommýnıkatsııalar qyzmetinde ótken baspasóz máslıhatynda.

Jalpy, ákimniń aıtýynsha, 600 shaqyrym joldar men kósheler retke keltiriledi.

«Jol ınfraqurylymyn jaqsartý boıynsha 5 jyldyq jospar ázirlenýde. Onda jóndeýge jatatyn joldar men kósheler kezeń-kezeńimen belgilenedi. Osylaısha, oblys halqy joldar men kóshelerdi jóndeý kólemi men merzimderi týraly habardar bolyp otyrady», - dep túsindirdi óńir basshysy.

Osyǵan deıin ShQO medıtsınalyq týrızm baǵytyn damytatyny týraly jazdyq.