Shyǵys Qazaqstan men Abaı oblystarynda kólik qozǵalysyna shekteý qoıyldy
2024 jylǵy 10 qarashada saǵat 16:30–da Abaı oblysynda aýa raıynyń buzylýyna baılanysty «Almaty-Óskemen» avtojolynyń 683-967 shaqyrym aralyǵynda (Taskesken aýylynyń shekarasynan Qalbataý aýylyna deıin) júk jáne jolaýshy kólikterdiń qozǵalysyna shekteý qoıylady. Joldy 2024 jylǵy 11 qarasha saǵat 06:00–de ashý josparlanǵan.
2024 jylǵy 10 qarashada saǵat 17:00–de ShQO-da aýa raıynyń buzylýyna baılanysty kelesi avtojoldarda júk jáne jolaýshy kólikterdiń qozǵalysyna shekteý qoıylady:
— «Almaty-Óskemen-Shemonaıha-RF shekarasy» avtojolynyń 1123-1191 shaqyrymy aralyǵy (Predgornoe aýylynan Shemonaıha qalasyna deıin);
— «Almaty-Óskemen-Shemonaıha-RF shekarasy» avtojolynyń 1194-1212 shaqyrymy aralyǵy (Shemonaıha qalasynan RF shekarasyna deıin);
— «Óskemen-Rıdder- RF shekarasy» avtojolynyń 15-105 shaqyrymy aralyǵy (Beloýsovka aýylynan Rıdder qalasyna deıin).
Joldy 2024 jylǵy 11 qarasha saǵat 06:00-de ashý josparlanǵan.
Buǵan deıin habarlaǵanymyzdaı, Astana áýejaıynda 6 reıs keshiktirilip jatyr.