Shyǵys Qazaqstan fermerlerine qysta jem-shóp jete me

<p>ÓSKEMEN. KAZINFORM &ndash; Shyǵys Qazaqstan oblysyndaǵy mal sharýashylyǵymen aınalysatyn kásipkerlerde qysta jem-shóp tapshylyǵy máselesi bıyl bolmaıdy dep boljanyp otyr.</p>

Ótken jyly aýa raıynyń qolaısyzdyǵy men shóp daıyndaý jumystarynyń sylbyrlyǵy saldarynan óńir fermerleri qıyndyqqa tap bolǵan edi. Jem-shóp tapshylyǵy máselesi ásirese Tarbaǵataı, Ulan, Katonqaraǵaı, Kúrshim jáne Marqakól aýdandarynda ózekti boldy.

Al Marqakólde tipti jarty aı boıy tolassyz jaýǵan qardan tótenshe jaǵdaı jarııalanyp, aýdan oqshaýlanyp qalǵan. Buryn munda jyl boıy úıir-úıir jylqy emin-erkin jaıylyp kelse, ótken qysta maldy taýdan alqaptarǵa aıdaýǵa týra keldi. Sonyń arqasynda elimizdiń batysynda bolǵandaı maldyń jappaı qyrylýynyń aldyn aldy.

Bıyl jaǵdaı aıtarlyqtaı rettelip qaldy.

- Jazda jaýyn-shashynnyń mol jaýýy shóptiń shúıgin ósýine jaǵdaı jasady. Osylaısha, sharýalarǵa mol shóp daıyndap, kelesi maýsymǵa qor jasaýǵa múmkindik týdy. Bul qarjylyq jaǵynan da tıimdi sheshim. Sebebi shópti tapshylyq kezinde satyp alǵannan góri aldyn ala daıyndaǵan áldeqaıda arzan, - dep habarlady ShQO Veterınarııa basqarmasynan.

Mamandardyń aıtýynsha, 2024 jyly jınalǵan shóp qory bir jarym jylǵa jetedi.

Eske salsaq, osyǵan deıin ShQO-da brýtsellez juqtyrǵan adam sany artqany habarlanǵan.