Shyǵyn 650 mln teńgeden asady: alaıaqtyq jasap, izdeýde júrgen qylmyskerler ustaldy

<p><strong>ASTANA. KAZINFORM &ndash;</strong><strong> </strong>ІІM krımınaldyq polıtsııa qyzmetkerleri asa iri mólsherde alaıaqtyq jasaǵany úshin halyqaralyq izdeýde júrgen qylmyskerlerdi ustady, &ndash; dep habarlaıdy Polisia.kz.</p>

Jábirlenýshilerge keltirilgen shyǵyn 650 mln teńgeden asady.

– Qaraǵandy qalasynda 45 jastaǵy er adam quryqtaldy. Ol 2018 jyldyń shildesinde ózi Aqtóbede bola otyryp, elordada jyljymaıtyn múlik satyp alyp berý syltaýymen 100 mln teńgeni ıemdengen. Almaty qalasynda 44 jastaǵy áıel ustaldy. Ol kókónister men jemisterdi jetkizý syltaýymen azamattardy 516 mln teńgeden astam somaǵa aldaǵan. Astana qalasynda 60 jastaǵy jergilikti turǵyn ustaldy. Ol ótken jyldyń qyrkúıek aıynda jeńildetilgen nesıe arqyly turǵyn úı satyp alý syltaýymen 30 mln teńge jymqyrǵan. Sonymen qatar Reseı Federatsııasynyń Máskeý qalasynda 30 jastaǵy qazaqstandyq azamat quryqtaldy. Ol da alaıaqtyq jolmen ondaǵan mıllıon teńgeni qaltaǵa basqan, – dedi departament bastyǵy – ІІM resmı ókili Shyńǵys Alekeshev.

Jalpy qabyldanǵan sharalardyń nátıjesinde jyl basynan beri polıtsııa 1360 qylmyskerdi ustap, 1000-nan astam joǵalǵan adamnyń ornalasqan jerin anyqtady.

Buǵan deıin Qarjylyq monıtorıng agenttigi jalǵan qujat jasaǵan Aqtóbe oblysynyń turǵynyna izdeý jarııalaǵanyn jazǵan bolatynbyz.