Shyǵyn – 437 mln teńge: Túrkistan oblysynda jer qoınaýyn zańsyz paıdalanǵan top ustaldy

<p>ASTANA. KAZINFORM &mdash; Túrkistan oblysynda polıtseıler qumdy zańsyz óndirýmen aınalysqan topty anyqtady. Olar memleketke 437 mln teńge kóleminde shyǵyn keltirgen, dep habarlaıdy Polisia.kz.</p>

Polıtseıler Túrkistan oblysy Keles aýdany aýmaǵynda júrgizilgen jedel-izdestirý is-sharalarynyń nátıjesinde zańsyz jer qoınaýyn paıdalanýmen aınalysqan adamdar tobynyń qyzmetin toqtatty.

Túrkistan oblysy PD uıymdasqan qylmysqa qarsy kúres basqarmasynyń qyzmetkerleri paıdaly qazbalardy (qıyrshyq tasty) óz betinshe satqan 4 kúdiktini ustady. Keltirilgen zalal 437 mıllıon teńgeni qurady.

Tártip saqshylary tintý kezinde kúdiktilerden 1 ekskavator, 1 júk tıegish, 4 júk kóligi jáne basqa da zattaı dáleldemelerdi taýyp, tárkilep aldy.

Qazirgi ýaqytta osy fakt boıynsha qylmystyq is qozǵaldy jáne bolǵan oqıǵanyń barlyq mán-jaılaryn anyqtaý boıynsha jedel-tergeý is-sharalary júrgizilip jatyr.