Shyǵarmashylyq sala mamandaryn daıarlaýǵa 1600-den astam bilim granty bólindi

<p>ASTANA. KAZINFORM &ndash; QR Mádenıet jáne aqparat mınıstrliginde shyǵarmashylyq mamandyqqa memlekettik bilim berý granttaryn bólý boıynsha otyrys ótti. Bul týraly QR Mádenıet jáne aqparat mınıstrliginiń baspasóz qyzmeti málim etti.&nbsp;</p>

Talqylaýǵa Mádenıet jáne aqparat mınıstrliginiń, Oqý-aǵartý mınıstrliginiń, Ǵylym jáne joǵary bilim mınıstrliginiń, «Atameken» Ulttyq Kásipkerler palatasynyń ókilderi, JOO basshylary jáne t. b. qatysty.

Mádenıet jáne aqparat mınıstrligi elimizdiń 10 oqý ornynda shyǵarmashylyq mamandardy daıarlaıdy. Olar 4 joǵary oqý orny, 4 kolledj jáne 2 arnaıy mektep.

«Kezdesý qorytyndysy boıynsha, 2024-2025 oqý jylyna 895 — bakalavrıat, 166 — magıstratýra jáne 26 — doktorantýraǵa bilim grantyn bólý týraly sheshim qabyldandy. Kásiptik jáne tehnıkalyq bilim berý mekemeleri arasynda 550 bıýdjettik oryn bólindi. Bul ótken oqý jylymen salystyrǵanda 50 grantqa artyq», — delingen habarlamada. 

Sarapshylar sheshim qabyldaý barysynda eń aldymen eńbek naryǵynyń qajettilikterin eskerdi. Nátıjesinde mýzykalyq teatr rejısserlerine, mýzykatanýshylarǵa, restavrator-sýretshilerge jáne stsenarısterge degen joǵary suranysty anyqtady. Osyǵan baılanysty jańa bilim berý baǵdarlamalaryn ashyp, granttar sanyn kóbeıtý arqyly osy mamandyqtar boıynsha kadrlar daıarlaýǵa nazar aýdarý usynyldy.