Shyǵarmashylyq demalys, aı saıyn ústemaqy: Ǵalymdardy áleýmettik qoldaý paketi keńeıtilmek

<p>ASTANA. KAZINFORM &ndash; Senattyń Áleýmettik-mádenı damý jáne ǵylym komıteti daıyndaǵan qorytyndyny tanystyrǵan depýtat Nurtóre Júsip atalmysh zań ǵylymnyń el ekonomıkasyn damytýǵa qosatyn úlesin jaqsartýǵa baǵyttalǵanyn atap ótti. Bul týraly ktk.kz saıty jazdy.</p>

«Zańda Ulttyq ǵylym akademııasynyń quqyqtyq mártebesi, Ǵylym qorynyń qyzmeti jáne ǵylymı qyzmetti qarjylandyrý tetikteri bekitiledi. Zań ǵylymı ınfraqurylymnyń negizgi elementterin, ǵylymı uıymdardy qarjylandyrý tártibi men ǵylymı jáne ǵylymı-tehnıkalyq qyzmet nátıjelerin kommertsııalandyrý baǵdarlamalaryn iske asyrýda ǵylymı jáne ǵylymı-tehnıkalyq qyzmet sýbektilerine járdemdesý sharalaryn, sondaı-aq ǵylymdy damytýdy, onyń ishinde ǵylymı, ǵylymı-tehnıkalyq jobalardy bazalyq, granttyq jáne baǵdarlamalyq-nysanaly qarjylandyrý arqyly yntalandyrýdyń memlekettik sharalaryn, sondaı-aq ǵylymı qyzmetti memlekettik qoldaý sharalaryn aıqyndaıdy. Sondaı-aq ǵylymı dárejesi bar qyzmetkerlerdiń ǵylymı qyzmetin yntalandyrý maqsatynda olarǵa aı saıynǵy qosymsha aqylar belgileıtin, joǵary jáne (nemese) joǵary oqý ornynan keıingi bilim berý uıymdarynda, ǵylymı uıymdarda jumys isteıtin jetekshi ǵalymdarǵa shyǵarmashylyq demalys berý normalary engizildi, sondaı-aq jas ǵalymdardy qosa alǵanda, ǵylymı qyzmetkerlerdi áleýmettik qoldaý paketi keńeıtilýde», - dedi depýtat. 

Senat depýtattary zańdy maquldaý týraly sheshim qabyldady.