Shıeli aýdanynda 184 joba qarjylandyryldy - Qyzylorda oblysy

QYZYLORDA. QazAqparat - Shıeli aýdanynda 184 joba qarjylandyryldy. Bul týraly Ulttyq kásipkerler palatasy Shıeli aýdandyq fılıalynyń dırektory Rysbaı Nysanhanov bıznes ókilderi aldyndaǵy esepti kezdesýde aıtty, - dep habarlady QazAqparat tilshisi.

Memlekettik baǵdarlamalar aıasynda Kásipkerler palatasynyń aýdandyq fılıalynda «Bıznes keńesshi» jobasy aıasynda oqyp, biliktiligin jetildirgen 184 azamattyń jalpy quny 650 mln 820 myń teńgeni quraıtyn jobalary qarjylandyryldy.

Atap aıtqanda, «Bıznestiń jol kartasy - 2020» bıznesti damytý men qoldaýdyń birińǵaı baǵdarlamasy aıasynda qaıtarymsyz ınnovatsııalyq grant berý boıynsha «Óńirlik úılestirý keńesiniń» qaraýyna 7 joba usynylyp, nátıjesinde jalpy quny 1 mln  229 myń teńgeni quraıtyn 2 joba grant utyp aldy. Jeke kásipkerler Maıa Qaljanovanyń «Qol óner buıymdary úıirmesin ashý» jobasyna 540 myń teńge (Jýantóbe aýyly), Aıbıbihan Kamalqyzynyń «Ultyq aspaptar jasaý» jobasyna 689 myń teńge (Bestam aýyly) berildi.

 

«Nátıjeli jumyspen qamtýdy jáne jappaı kásipkerlikti damytý» baǵdarlamasy aıasynda barlyǵy jyl basynan 64 azamatqa 251,5 mln teńge shaǵyn nesıe berildi.

Naqtyraq aıtqanda, jyl basynan búgingi kúnge deıin kásipkerlikpen aınalysýǵa 355 azamat shaǵyn nesıe alý úshin halyqty jumyspen qamtý ortalyǵyna tirkelip, aýdandyq komıssııada qaralyp, kásipkerlik negizderine oqytý kýrstarynan ótkendigi týraly sertıfıkaty bar jumyssyz jáne ózin-ózi nátıjesiz qamtyǵan 150 azamat qarjylandyrý úshin «Aýyl sharýashylyǵyn qarjylaı qoldaý qory» AQ-na joldandy. Búgingi tańda 42 bıznes-joba maquldanyp, 41 azamatqa 144  mln teńge shaǵyn nesıe berildi.

Sonymen qatar, «Qyzylorda» óńirlik ınvestıtsııa ortalyǵyna bıznes jobalary maquldanǵan 26 azamatqa joldama berilip, 23 azamat 107,1 mln teńge nesıe aldy. Qalǵan 5 azamattyń 44,6 mln teńgeni quraıtyn jobasynyń nesıe qujattary qaralýda.

Kásipkerler palatasynyń Shıeli aýdanyndaǵy fılıalynyń kómegimen bıyl ǵy jyldyń 9 aıynda 15 aýylsharýashylyǵy óndiristik kooperatıvi quryldy.

 

Onyń ishinde, «Yrys», «Bereke» baǵdarlamalary aıasynda 50 aýyl kontseptsııasy boıynsha aýdandaǵy  4 aýylsharýashylyǵy óndiristik kooperatıviniń 118 múshesi 398,6 mln teńge qarjy aldy.

Sonymen qatar, oblystan bólingen 100 mln teńge «Bıznestiń jol kartasy - 2020» bıznesti damytý men qoldaýdyń birińǵaı baǵdarlamasy aıasynda qaıtarymsyz ınnovatsııalyq grant berý boıynsha «Óńirlik úılestirý keńesiniń» qaraýyna 27 jobaǵa súıemeldeý jumystary júrgizilip, usynyldy.

Eske sala keteıik, Elbasynyń Ult jospary - bes ınstıtýtsıonaldyq reformany júzege asyrý jónindegi 100 naqty qadam eńbeginiń 54-qadamynda: Kásipkerlerdiń múddelerin qorǵaý úshin bıznes-ombýdsmen ınstıtýtyn nyǵaıtý jaıy basa aıtyldy. Sondaı-aq onyń quramyna bıznestiń jáne Ulttyq kásipkerler palatasynyń ókilderi kiredi, degen bolatyn Memleket basshysy.