Shıeli aýdanyndaǵy iri kompanııalar da «Taza Qazaqstan» aktsııasyna úles qosty
17:31, 26 Sáýir 2024
<p>ShIELІ. KAZINFORM - Respýblıka boıynsha Memleket basshysynyń bastamasymen «Taza Qazaqstan» ekologııalyq aktsııasy qarqyn alýda.</p>
Bes aptaǵa josparlanǵan tazalyq naýqanynyń ár bóliginiń ózine tán ataýy men maqsaty bar. Atalǵan aktsııanyń «Jasyl el» aptalyǵy aıasynda bıylǵy 26 sáýir kúni Shıeli aýdanyndaǵy óndiris oryndary «Rý-6» JShS men «Semizbai-U JShS-niń Iirkól kenishi qyzmetkerleri óz mekeme aýmaǵyn abattandyryp, tazalyq jumystaryn júrgizdi.
Tazalyq jumystaryna 50 adam, 7 tehnıka jumyldyrylyp, 500 túp aǵash egildi. «Semizbai-U» JShS Iirkól kenishiniń dırektory, aýdandyq máslıhat depýtaty M.Salqynbaev aktsııaǵa qatysyp, ıgi bastamalar aldaǵy ýaqytta da jalǵasyn tabaryna senim bildirdi.