Shetten kelgen qandastarymyzǵa «bir tereze» qaǵıdasymen qyzmet kórsetilmek
"Elge oralǵan qandastarymyzdyń kedergisiz beıimdelýin jeńildetetin birden-bir qural - ol «bir tereze» qaǵıdaty boıynsha qyzmet kórsetýdi jolǵa qoıý. Qazirgi ýaqytta etnıkalyq repatrıanttarǵa qatysty tirkeý, ornalastyrý, áleýmettik tólemderdi alý, beıimdeý ortalyqtarynda turý, yqtııar hat pen azamattyq alý máselelerin úsh memlekettik organ júrgizedi», - dedi M.Sarbasov «Otandastar» qorynyń janynan qurylǵan qoǵamdyq keńestiń birinshi otyrysynda.
Qor vıtse-prezıdentiniń dereginshe, olar: Eńbek jáne halyqty áleýmettik qorǵaý mınıstrliginiń Eńbek, áleýmettik qorǵaý jáne kóshi-qon komıteti, Іshki ister mınıstrliginiń Mıgratsııa komıteti, ákimdikterge qarasty Jumyspen qamtý jáne áleýmettik baǵdarlamalar basqarmasy.
"Bul jaǵdaıda belgili qıyndyqtar týady jáne ony tómendegi jaıttar ýshyqtyra túsedi. Birinshi - memlekettik organdardyń ózara is-qımylynyń kelispeýshiligi jáne shekten tys bıýrokratııalanýy. Ekinshi - suralatyn anyqtamalardyń kóptigi, repatrıanttarǵa qatysty áreketterdiń rettelmeýi jáne basqa da jaıttar. Osy rette bıýrokratııalyq kedergilerdi barynsha qysqartý maqsatynda "Otandastar" qory memlekettik organdardyń negizinen tólqujat jáne tirkeýge qatysty kórsetetin qyzmetterin «bir tereze» qaǵıdasymen avtomattandyrý jáne ońtaılandyrýdy usyndy. Nátıjesinde elge kelgen otandastarymyz Halyqqa qyzmet kórsetý ortalyqtarynda az ǵana qujattar tizimimen baryp, bir jerden jaýap alý múmkindigine ıe bolady», - dedi ol.