Shettegi qazaq dıasporasy balalary arasynda ana tili boıynsha halyqaralyq olımpıada ótýde

ASTANA. QazAqparat – Astanada sheteldegi qazaq dıasporasynyń balalaryna arnalǵan «Qazaqstan – ata jurtym, qasıettim – ana tilim» atty qazaq tili men ádebıeti páni boıynsha HH Halyqaralyq olımpıada bastaldy, dep habarlaıdy QazAqparat Oqý-aǵartý mınıstrliginiń baspasóz qyzmetine silteme jasap.

Qazaq tili men ádebıeti páni boıynsha ótetin 5 kúndik halyqaralyq olımpıadaǵa Mońǵolııa, Iran, Ózbekstan, Qyrǵyz Respýblıkasy, Belarýs, Reseı Federatsııasynan 80-ge jýyq oqýshy keldi.

«Erejege sáıkes qatysýshy elderdiń ár komandasy 14-17 jas aralyǵyndaǵy 8 oqýshy, 2 jetekshiden turady. Olımpıada esse, «Tarıhı tanym» zertteý jumystaryn qorǵaý, úı tapsyrmasy boıynsha shyǵarmashylyq tanystyrylym sekildi 3 týrdan ótedi», - deıdi «Daryn» Respýblıkalyq ǵylymı-praktıkalyq ortalyǵynyń dırektory Ǵajdembek Tursynov.

Qazaq dıasporasynyń daryndy balalaryn anyqtap, olardy tilge, ádebıetke, tarıhqa yntalandyrýdy kózdeıtin bilim saıysynyń jeńimpazdary men júldegerleri QR Oqý-aǵartý mınıstrliginiń I, II jáne III dárejeli dıplomdarymen, sondaı-aq altyn, kúmis jáne qola medaldarymen marapattalady.

JOO-na 15 bilim granty jáne 10 qatysýshyǵa jazǵy oqý-tanymdyq aýysymǵa joldama beriledi.