Shetsiz qala: Almatyda jobalardy tıimdi júzege asyrý úshin data derekterin qoldanady

ALMATY. QazAqparat – Halyqaralyq qarjy korporatsııasynyń (IFC) jergilikti ofısiniń birlesken bastamasy men qoldaýynyń arqasynda pandemııa kezeńinde Almaty ákimdigi GPS arqyly qala boıynsha qozǵalys belsendiligin baǵalaý jobasy iske qosyldy. Bul joba týraly onlaın brıfıng barysynda qalalyq Tsıfrlandyrý basqarmasynyń basshysy Baıan Qońyrbaev aıtty.

«Halyqaralyq qarjy korporatsııasymen birlesken osy jobada biz qaladaǵy pandemııaǵa deıingi azamattardyń belsendiligi boıynsha jaǵdaıdyń qandaı bolǵanyn, pandemııa kezinde jáne osy kezeń aıaqtalǵannan keıin jaǵdaıdyń qalaı bolatynyn baǵalaý jáne túsiný óte mańyzdy bolǵanyn atap ótkimiz keldi», - dedi B.Qońyrbaev.

Sondaı-aq, ol joba nátıjeleri qalanyń barlyq belsendiliginiń neǵurlym túsinikti etip bólinýin túsinýge kómektesetinin, sonyń negizinde kólik strategııasyn, velostrategııany, sondaı-aq kommertsııalyq baǵyttardy damytý boıynsha naqty sheshimder qabyldaýǵa bolatynyn atap ótti.

«Pandemııaǵa deıin bizde oryn aýystyrý boldy, aýrýdyń asqynǵan kezinde qozǵalys tómendedi, sodan keıin biz ekonomıkany qalpyna keltirýdemiz. Bizge osy protsesterdiń damýyn túsiný óte mańyzdy, osynyń negizinde biz ıntýıtıvti qabyldaý men tájirıbege emes, naqty sandarǵa súıenip, qalanyń odan ári damýyn qura alamyz», - dedi B.Qońyrbaev.

Joba boıynsha jumys barysynda 10 jumys sessııasy ótkizildi, jeke kompanııalardyń, ákimdiktiń vedomstvolyq baǵynyshty uıymdarynyń, memlekettik organdardyń ókilderinen qosymsha 30-dan astam adam tartyldy.

Qaralǵan iri jobalardyń ishinde qalanyń veloınfraqurylymy men jaıaý júrginshiler joly, saýda nysandaryn anyqtaý, qoǵamdyq keńistikter men saıabaqtar, kóliktik-aýystyryp mingizý toraptary bar.

«Eń bastysy, biz jańa baǵyt qurǵan kezde – «Almaty-2050» Damý Strategııasynda qala tsıfrlandyrý prızmasy arqyly derekterge negizdelgen qala bolýy tıis ekenin túsinýimiz kerek. ıAǵnı, eń bastysy - qoldanbaly, negizdelgen jobalardy qurý», - dep túsindirdi ol.

Spıkerdiń aıtýynsha, Almaty qalasynyń velostrategııasyn ázirleý úshin daıyn qoldanbaly sheshimder bar. Sonymen qatar, odan ári taldaý úshin ashyq derekter jıyntyǵyn júkteý múmkindigi bar jalpy ınterfeıs jasaldy. Bul sheshimder óńdelip, digital-almaty.kz portalyna halyq úshin ashyq qol jetimdilikpen ornalastyryldy.

Jobanyń nátıjeleri IT-qoǵamdastyqqa jáne ozyq mamandarǵa qoljetimdi, olardyń arqasynda olar óz quzyretterin ulǵaıta alady jáne bolashaqta qala men bızneske uzaq merzimdi perspektıvada paıdalanýǵa bolatyn jańa ázirlemeler jasaı alady.

«Biz jaıaý júrginshiler strategııasyn, kólik strategııasyn durys ázirleýimizge, eń bastysy, kommertsııalyq jáne qoǵamdyq keńistikter úshin damý josparlary men daǵdarystyq is-sharalardy ázirleýge nazar aýdaramyz. ıAǵnı, bul biz úshin qazir negizgi baǵyt bolyp tabylatyn baǵyt, ol «Almaty-2050» Damý strategııasynda jazylǵan. Qala ákimi Baqytjan Saǵyntaev atap ótkendeı, bizdiń turǵyndar úshin qolaıly qorshaǵan orta jaǵdaılary qala ákimshiligi úshin eń negiz qalaýshy baǵyttardyń biri», - dep atap ótti B.Qońyrbaev.