Shetelge shyǵýǵa ruqsatyńyz bar-joǵyn Telegram arqyly tekserýge bolady

ASTANA. QazAqparat - @EgovKzBot messendjerinde taǵy da 4 qyzmet iske qosyldy, dep habarlaıdy QazAqparat «Azamattarǵa arnalǵan úkimet» korporatsııasynyń baspasóz qyzmetine silteme jasap.

Endi bottyń kómegimen azamattar mynadaı qyzmetterdi ala alady:

- biryńǵaı jınaqtaýshy zeınetaqy qory salymshysy qarajatynyń kelip túsýi men qozǵalysy týraly aqparat;

- biryńǵaı jınaqtaýshy zeınetaqy qory salymshysynyń (alýshynyń) zeınetaqy jınaqtarynyń (ınvestıtsııalyq kiristi eskere otyryp) jaı-kúıi týraly aqparat;

- shetelge shyǵý shektelgen boryshkerler tizimi jáne atqarýshylyq is júrgizý boıynsha boryshkerler tizimi boıynsha shetelge shyǵýǵa tyıymnyń bar-joǵyn tekserý;

- tulǵanyń ákimshilik quqyq buzýshylyq jasaǵany týraly málimet ala alady.

Onlaın rejımde aqparat alý mehanızmi óte qarapaıym jáne azamattardyń ýaqytyn aıtarlyqtaı únemdeıdi.

«Azamattarǵa óz gadjetinde Telegram messendjerinde qyzmetter men servısterdi paıdalaný úshin «Mobıldi azamattar bazasynda» tirkelý qajet, ıaǵnı portaldyń jeke kabınetinde óz telefon nómirin baılaý qajet. Budan ári botta iske qosasyz (izdeý jolyna @EgovKzBot dep engizý). Aldyn ala anyqtalǵan komandalardy jiberý arqyly qajetti qyzmetter men servısti tańdaý, qajetti derekterdi engizý jáne mobıldi nómirge jiberilgen bir rettik paroldi engizý arqyly qyzmetter men servısti alýdy rastaý arqyly alýǵa bolady», - deıdi «Azamattarǵa arnalǵan úkimet» memlekettik korporatsııasy Almaty qalalyq fılıalynyń PR-menedjeri Jańyl Ápetova.

Búgingi kúni Telegram-bot arqyly qoljetimdi qyzmetter men servıster sany 24-ke jetti.

Esterińizge sala keteıik, buǵan deıin joǵaryda kórsetilgen qyzmetter men servısterdi alý múmkindigi elektrondyq úkimet portalynda usynylǵan bolatyn.