Sheteldikter sapasyna joǵary baǵa bergen qazaqstandyq irimshik eksportqa shyǵarylmaq

<p>AQTAÝ. KAZINFORM &ndash; Aqtaýda Qazaqstan men sheteldik irimshik óndirýshilerdiń qatysýymen forým ótip jatyr. Halyqaralyq sharaǵa Frantsııa, Nıderlandy jáne Reseıden mamandar kelgen. Álemdik deńgeıdegi sarapshylar, tehnologtar men ǵalymdar sút ónimderi, balmuzdaq jáne irimshik óndirisindegi jańa tehnologııalar men ozyq ádisterdi talqylaýda.</p>

Qazaqstan irimshik óndirýshiler gıldııasynyń prezıdenti, forýmdy uıymdastyrýshy Aleksandra Grıgolovanyń aıtýynsha, eýropalyq tájirıbe Qazaqstandaǵy mamandardyń qatelikke urynbaı, durys baǵytta damýyna jol ashpaq.

Foto: Aıagóz Іzbasarova / Kazinform

– Biz byltyr Frantsııada ótken «Le Mondial du fromage 2023» halyqaralyq irimshik baıqaýyna qatysyp, kúmis jáne qola medal jeńip alǵan bolatynbyz. Sodan beri shaǵyn óndirýshilerdi biriktirýshi lokomıtıv bola alatynymdy túsindim. Biz bul salany endi ıgerip jatyrmyz. Sondyqtan durys baǵytta damyǵymyz keledi. Forýmnyń negizgi maqsaty – bizdiń kásipkerlerdi shyńdaý úshin frantsýz tehnologııasy men sarapshylaryn tartý, - deıdi Aleksandra Grıgolova.

Halyqaralyq forýmda tórt túliktiń sútinen óndiriletin ónimder men irimshikterdi eksportqa shyǵarý joldary qarastyrylýda. Shara eki kúnge jalǵasady. Onyń aıasynda irimshikter baıqaýy ótedi. Sarapshylar 300-den astam ónimniń arasynan úzdikterin tańdaıdy.

Foto: Aıagóz Іzbasarova / Kazinform

- Bul forým osy salaǵa endi kelgen kásipkerler men iri óndirýshilerdiń bir-birimen tájirıbe almasýy úshin uıymdastyrylǵan. Іrimshik óndirisi Evropada jaqsy damyǵan. Qazaqstanda da sút ónerkásibin dóńgeletip otyrǵan kásipkerler barshylyq. Biz irimshikterdiń dámin tatyp kórip, sapasyna joǵary baǵa berip otyrmyz, -deıdi Halyqaralyq irimshik jasaýshylar gıldııasynyń prezıdenti Rolan Bartelemı.

Buǵan deıin, Mańǵystaýlyq kásipkerdiń halyqaralyq irimshik jasaýshylar gıldııasyna qabyldanǵany týraly jazǵan bolatynbyz.