Sheteldik jýrnalıster Izraıldi Gazaǵa kirýge ruqsat berýge shaqyrdy

<p>ASTANA. KAZINFORM &ndash; Ashyq hatta halyqaralyq BAQ-tyń 55 qyzmetkeri Izraıldi barlyq sheteldik jýrnalısterdiń Gaza sektoryna erkin jáne kedergisiz kirýin qamtamasyz etýge <a href="https://www.bbc.com/russian/articles/c72g017deyyo" target="_blank" rel="noopener">shaqyrdy</a>.</p>

Hatqa VVS, Sky News, ITV, Channel 4, ABC, CBS, NBC jáne CNN sııaqty brıtandyq jáne amerıkalyq habar taratýshylardyń tilshileri men júrgizýshileri qol qoıdy.

«Gazada soǵys bastalǵaly bes aıǵa jýyq ýaqyt ótse de, Izraıl áskerı qyzmetkerleriniń erip júrýimen bolǵan sırek jaǵdaılardy qospaǵanda, sheteldik tilshilerge aýmaqqa kirýge tyıym salynýda», - delingen hatta.

Izraıl áskerıleriniń málimdeýinshe, olar Gazaǵa jýrnalısterdi olardyń qaýipsizdigi úshin alyp baratynyn aıtady, biraq bul saparlar qatań baqylanyp, kóbine HAMAS sodyrlary paıdalanatyn týnnelderdi nemese qarý qoımalaryn kórsetýge arnalǵan.

«Qazirgi kezde Izraıl armııasy HAMAS lańkestik uıymyna qarsy soǵysyp jatyr. Jýrnalısterdiń qaýipsiz habarlaýyn qamtamasyz etý úshin biz olardy urys dalasyna alyp baramyz», - dedi TsAHAL ókili.

Hatta sondaı-aq Mysyr bıliginen Mysyr men Gaza sektorynyń shekarasyndaǵy «Rafah» baqylaý-ótkizý beketine kirýdi qamtamasyz etý suraldy.