Sheteldik týrıster jıi qydyryp keletin Qazaqstandaǵy TOP-5 qala

<p>ASTANA. KAZINFORM - 2023 jylǵy 9 aıdyń qorytyndysy boıynsha elimizge saıahattaǵan ishki týrısterdiń sany 11% artyp, shamamen 5,4 mln adamǵa jetti. Onyń ishinde sheteldik týrısterdiń sany &ndash; 835 myń adam. ıAǵnı, ishki týrısterdiń úshten biri sheteldikterdiń úlesine tıesili.</p>

Al sol sheteldik saıahtashylar elimizdiń qaı óńirlerine jıi saıahattaıdy? Nazaryńyzǵa sheteldik týrısterdi eń qóp qabyldaǵan elimizdegi TOP-5 qalany usynamyz.

Sheteldik týrıster arasynda elimizdiń ońtústik astanasy týrıstik óńir retinde keńinen tanymal.

Máselen, 2023 jylǵy alǵashqy toǵyz aıda Almatyǵa 409 394 adam saıahattap kelgen. 

Osylaısha Alataý baýraıyndaǵy arý qala Almaty sheteldik týrısterdi eń qóp qabyldaıtyn elimizdegi qalalardyń kóshin bastady.

Almaty qalasy sheteldikter úshin taý-shańǵy kýrorttarymen, sulý tabıǵatymen, qolaıly aýa raıymen tartymdy.

Jýyrda áıgili ıtalııalyq Condé Nast Traveller Italia basylymy Almatydaǵy Shymbulaq taý shańǵy kýrortyn álem saıahatshylary mindetti túrde barýǵa tıis TOP-5 orynnyń biri retinde usynsa, amerıkalyq New York Times nusqasy boıynsha Almaty 2024 jyly barýǵa turarlyq 52 oryn tizimine engen bolatyn.

Ekinshi orynǵa el ordasy — Astana qalasy jaıǵasty. Elimizdiń bas qalasyna sheteldikter iskerlik týrızm boıynsha jıi keledi. 2023 jyldyń 9 aıynda Astanaǵa 220 000 sheteldik qonaq kelgen.

Reıtıngtiń úshinshi ornyna Mańǵystaý oblysy jaıǵasty. Qart Kaspııdiń jaǵasynda ornalasqan Aqtaýǵa byltyrǵy qańtar-qyrkúıek aralyǵynda 34 435 sheteldik saıahatshynyń tabany tıgen.

Úzdik bestikke Atyraý oblysy men Shymkent qalasy endi. Ótken jyldyń alǵashqy 9 aıynda munaıly ólkege 24 431 sheteldik týrıst kelgen bolsa, elimizdiń úshinshi megapolısine 20 837 sheteldik týrıst saıahattaǵan.

«Elimizdiń týrıstik áleýeti men dástúrli qonaqjaılyǵynyń arqasynda Qazaqstan sheteldikter arasynda álemdegi eń tanymal týrıstik baǵyttardyń birine aınalyp keledi. Qazirgi tańda Qazaqstanǵa 74 eldiń ókilderi vızasyz kele alady. Aldaǵy ýaqytta bul kórsetkishti 100-ge deıin jetkizýdi josparlap jatyrmyz. Budan bólek, 28 elmen 120 marshrýt boıynsha halyqaralyq áýe qatynasy jolǵa qoıylǵan», — dedi Týrızm ındýstrııasy komıteti tóraǵasynyń m. a. Nurtas Káripbaev.