Sheteldik BAQ-taǵy Qazaqstan: Gaz tasymaly, Azııa oıyndary jáne munaı kompanııalarynyń QR úkimetin sotqa berýi

<p><strong>Osy aptada sheteldik BAQ-ta Reseıdiń Qazaqstan arqyly Ózbekstanǵa gaz jetkizýi, alpaýyt munaı kompanııalarynyń Qazaqstan úkimetin sotqa bergeni, Qazaqstan quramasynyń Azııa oıyndarynda óner kórsetýi jaıly maqalalar jarııalandy. Tolyǵyraq </strong><a href="https://kaz.inform.kz/" target="_blank" rel="noopener">Kazinform</a><strong>sarapshysynyń sholýynda.</strong></p>

Reuters: Reseı Qazaqstan arqyly Ózbekstanǵa gaz jetkize bastaıdy

7 qazanda Reuters aqparat agenttigi «Orta Azııa – Ortalyq» magıstraldi gaz qubyrymen Reseıdiń tabıǵı gazyn Qazaqstan aýmaǵy arqyly Ózbekstanǵa tasymaldaý jobasyn iske qosý rásimi ótkeni týraly habarlady. Saltanatty sharaǵa úsh el prezıdenti qatysty.

Reseıdiń «Gazprom» kompanııasymen (GAZP.MM) jasalǵan eki jyldyq kelisimge sáıkes, Ózbekstan táýligine 9 mıllıon tekshe metr tabıǵı gaz ımporttaıdy.

Bloomberg: Іri munaı kompanııalary Qazaqstan úkimetin sotqa berdi

11 qazan kúni Bloomberg basylymy Qashaǵan ınvestorlary Qazaqstan úkimetin halyqaralyq sotqa beretini jaıly jazdy. Olar el úkimetine 5 mıllıard AQSh dollary kólemindegi ekologııalyq aıyppulǵa qatysty daý boıynsha halyqaralyq arbıtrajǵa shaǵymdanýy múmkin ekendigin habarlaǵan.

Bıyl Qazaqstan bıligi Qashaǵan ken ornynyń operatory North Caspian Operating Company (NCOC) kompanııasyn ken ornynda «kúkirtti óte kóp mólsherde saqtady» dep 2,3 trıllıon teńge nemese 4,8 mıllıard dollar aıyppul tóleýge mindettegen edi. Biraq munaı alpaýyty ózderiniń eshqandaı zańsyzdyq jasamaǵanyn aıtyp, sotta jeńip shyqty. El úkimeti munymen kelispeı, apellıatsııalyq shaǵym túsirgen bolatyn. NKOK-tyń Eni SpA, Shell Plc,Ekson mobaıl jáne Total enerdjıs ESI sekildi halyqaralyq seriktestikteri Qazaqstan bıligin aıyppul boıynsha kelisimge kelýge shaqyrǵan kórinedi. Al, kelisimge kele almaǵan jaǵdaıda halyqaralyq arbıtrajǵa shaǵymdanamyz dep doq kórsetipti. Buǵan qatysty NCOC pen Energetıka mınıstrligi de, kompanııanyń seriktestikteri de ázirge resmı pikir bildirmeı otyr.

Saspiannews:Qazaqstan Azııa oıyndarynda 80 medal qanjyǵylady

10 qazan kúni Saspiannews basylymy Qazaqstan Azııa oıyndarynda 80 medal jeńip alǵany týraly habarlady. El quramasy sapynda Azıadaǵa sporttyń 30 túrinen 525 sportshy qatysqan. Jalpykomandalyq esepte Qazaqstan 11-oryn aldy.

Qazaqstan sportshylary bul Azııa oıyndarynda 10 altyn, 22 kúmis, 48 qola medal qanjyǵalady. Úzdik úshtikte: Qytaı – 383 medal (201 altyn, 111 kúmis, 71 qola), Japonııa – 188 medal (52 altyn, 67 kúmis, 69 qola) jáne Ońtústik Koreıa – 190 medal (42 altyn, 59 kúmis, 89 qola). Al tórtinshi oryndaǵy Úndistanda – 107 medal (28 altyn, 38 kúmis, 41 qola) bar.

Interfax: Qazaqstan ІІІ toqsanda Ózbekstanǵa 31,1 myń tonna reseılik munaı tranzıtin júzege asyrdy

13 qazanda Interfax basylymy bıylǵy úshinshi toqsanda «QazTransOıl» AQ "Omby - Pavlodar - Shymkent - Shaǵyr munaı quıý estakadasy" baǵyty boıynsha Qazaqstan aýmaǵy arqyly Ózbekstan Respýblıkasyna 31,1 myń tonna Reseı munaıyn tasymaldaǵany týraly habarlady.

«QazTransOıl» birinshi toqsanda Ózbekstanǵa 10 700 tonna, al ekinshi toqsanda 37 900 tonna Reseı munaıynyń tranzıtin júzege asyrdy. Qazan aıynda Reseı munaıynyń Qazaqstan Respýblıkasynyń aýmaǵy arqyly Ózbekstan Respýblıkasyna tranzıtiniń kólemi 25 myń tonnany qurady», - delingen maqalada.