Sheteldik azamattan para talap etken kóshi-qon polıtsııasynyń qyzmetkeri 3 jylǵa sottaldy

<p>PAVLODAR. KAZINFORM - Polıtsııa qyzmetkeri shetel azamatyn zań buzǵany úshin uzaq ýaqyt jaýapkershilikke tartpaǵan ári odan 100 myń teńge para alǵan. Sot kináli tulǵany 3 jylǵa bas bostandyǵynan aıyrdy.</p>

Pavlodar qalasynyń №2 soty kóshi-qon polıtsııasynyń qyzmetkeri K.-ǵa qatysty zańsyz áreketter jasaǵany úshin para alý faktisi boıynsha qylmystyq isti qarady.

Belgili bolǵandaı qyzmetker K. 2022 jyldyń 31 tamyzy men 2023 jyldyń 23 sáýiri aralyǵynda shetel azamaty E.-ni kóshi-qon zańnamasyna sáıkes ákimshilik jaýapkershilikke tartpaǵany jáne Qazaqstan Respýblıkasynda ýaqytsha turýǵa ruqsat bergeni úshin jalpy somasy 100 myń teńgeni para retinde alǵan. Sottalýshynyń kinási kýálardyń aıǵaqtarymen, qujattyq dáleldemelermen jáne saraptamalyq qorytyndylarmen dáleldendi.

«Qylmystyq kodekstiń 366-babynyń 2-bóligi boıynsha negizgi jaza retinde aıyppul nemese 3 jyldan 7 jylǵa deıin bas bostandyǵynan aıyrý jazasy kózdelgen. Sot barlyq jaǵdaıdy eskere otyryp, K.-ǵa tómen merzim - 3 jylǵa bas bostandyǵynan aıyrý jazasyn taǵaıyndady. Sondaı-aq K. «polıtsııa aǵa leıtenanty» arnaýly ataǵynan jáne ómir boıyna memlekettik qyzmette laýazymdardy atqarý quqyǵynan aıyryldy», dep habarlady Pavlodar qalasy №2 sotynyń baspasóz qyzmetinen.

Úkim zańdy kúshine engen joq.

Eske sala keteıik, Aqsý ferroqorytpa zaýytynda kúıik shalyp qaza bolǵan qyzdyń isi sotqa jiberildi.