Sheteldiń úzdik hırýrgteri qazaqstandyq áriptesterine kúrdeli ota jasaý ádisterin úıretpek

ASTANA. QazAqparat - «University Medical Center» korporatıvtik qory sheteldiń úzdik mamandarynyń tájirıbesin Qazaqstanǵa engizýde. Astanadaǵy Ulttyq onkologııa jáne transplantologııa ortalyǵynda Sankt-Peterbýrgten kelgen hırýrg qazaqstandyq mamandarǵa zamanaýı ádispen búırek isigine ota jasaý tájirıbesin úıretti, dep habarlaıdy «QazAqparat» HAA tilshisi.

Atalmysh korporatıvtik qor sheteldik mamandardy, ıaǵnı «mentorlardy» tarta otyryp, elimizdegi klınıkalarda halyqaralyq dárejede sheberlik synyptaryn ótkizedi, aýyr syrqattarǵa ota jasap, dıagnostıkanyń hattamasyn zamanaýı deńgeıde toltyrý joldaryn jasap shyǵarýdy kózdeıdi.

«Máskeýden, Novosibirden, Sankt-Peterbýrgten bilikti hırýrgter kelip bizdiń ortalyqta operatsııa júrgizip jatyr. Aldaǵy kúnderi Germanııadan bir professor kelip, ota jasaıtyn boldy. Bir sózben, Eýropa men AQSh-tyń úzdik medıtsınalyq mektepteriniń mamandarymen tyǵyz qarym-qatynas bastaldy. Olar bizdiń mamandarǵa ınnovatsııalyq ádisterin úıretedi. Atap aıtqanda, zár kópirshiginiń qaterli isigi, búırektiń qaterli isigi, er adamnyń potentsııasy jáne taǵy sol sekildi aýrýlaryna jasalatyn otany, ózge de dıagnostıkalyq em ádisteriniń túrlerin kórsetetin bolady», - deıdi Ulttyq onkologııa jáne transplantologııa ortalyǵynyń professory Jańabaı Jumaǵazın.

Onyń aıtýynsha, mundaı tájirıbe alý jolyna konsılıým arqyly qol jetkizilgen. «Ýrologııadaǵy tártiparalyq konsılıýmy» jobasyn Reseıdegi ýrologtar men reprodýktologtar qaýymdastyǵy bastaǵan. Atalmysh medıtsınalyq sharanyń maqsaty - ýrologııa, andrologııa men reprodýktologııa salasynda jańa ınnovatsııalyq tehnologııalardy engizip, tyń ǵylymı ilimderi meńgerý.

«Konsılıým boıynsha biz em-dom jóninde keńes ótkizip, ortaq sheshim qabyldaımyz. ıAǵnı, ortaq talqy arqyly naýqasty emdeý nemese oǵan ota jasaý, ózge de protsedýralardan ótkizý amaldary jóninde keńese qabyldanǵan sheshim iske asyrylady», - deıdi ortalyq professory.

Konsılıým negizinde qazirgi ýaqytta atalmysh ortalyqta qala turǵynyna ota jasalýda.

«Sankt-Peterberýgten kelgen professor men bizdiń mamandar assıstent retinde kómek berip, búırektiń isigine ota jasalýda. Odan keıin atalǵan naýqastyń qýyǵynyń isigine ota jasalyp, qýyqty tolyǵymen alyp tastap, toqkishekten basqa qýyq jasaıdy. Buryn da bul ota tek qolmen iske asyrylatyn. Endi laparoskopııalyq ádispen qolǵa aldyq. ıAǵnı, adamnyń denesin 3-4 jerden tesip, ashyq túrde túrde zamanaýı ádispen jasaǵanda naýqas úshinshi kúni aıaqqa turyp, úıine qaıtyp kete beredi», - deıdi Jańabaı Jumaǵazın.