Sheteldiń tanymal sýretshileri Túrkistannyń qazirgi kelbetin qaǵazǵa túsiredi

TÚRKІSTAN. QazAqparat - Sheteldiń tanymal sýretshileri Túrkistannyń naýryzyn beıneleýde, dep habarlaıdy QazAqparat tilshisi.

Túrkistan qalasynda «Nauriz in Turkistan» halyqaralyq sýretshileri forýmy jalǵasyp jatyr.

Іs-shara «Qazaqstan A’la Prima» forýmdary serııasy aıasynda uıymdastyryldy.

Forýmnyń ashylý saltanatynda Qazaqstan Respýblıkasy Sýretshiler odaǵynyń tóraǵasy Ómirbek Jubanııazov sóz sóılep, jurtshylyqty Naýryz merekesimen quttyqtady.

Shetelden arnaıy kelgen qylqalam sheberleriniń jumysyna sáttilik tiledi.

Tanymal sýretshiler «Jibek joly» saıabaǵynda ótken Naýryz merekesine de qatysyp, qazaqtyń mádenıeti men salt-dástúrimen tanysty.

Forýmǵa AQSh, Armenııa, Polsha, Túrkııa, Býrıatııa, Reseı, Ózbekstan elderinen kelgen jıyrmadan asa sýretshi qatysyp jatyr.

Olar Túrkistan shaharynyń qazirgi kórinisin keskindemek. Forým 29 naýryzǵa deıin jalǵasady dep josparlanǵan.

Qorytyndysy boıynsha sýretshilerdiń týyndylary arnaıy kórmege qoıylady.