Sheteldiń tanymal sýretshileri Túrkistandaǵy naýryzdy beıneledi
Túrkistan qalasynda «Nauriz in Turkistan» halyqaralyq sýretshileri forýmy qorytyndylandy.
Shetelden arnaıy kelgen qylqalam sheberleriniń jumysy «Farab» kitaphanasynyń foesine qoıyldy. Onda keseneniń kelbeti, naýryz naqyshtary, Túrkistan kósheleri men tabıǵaty keń kólemde kórsetilgen.
Saltanatty sharada Túrkistan qalasy ákiminiń orynbasary Álııa Shalqarova is-sharanyń joǵary deńgeıde ótkendigin jetkizip, uıymdastyrýshylar men qatysýshylarǵa alǵys aıtty.
Qazaqstan Respýblıkasy Sýretshiler odaǵynyń tóraǵasy Ómirbek Jubanııazov álemdik sýret óneriniń ıeleri eki apta boıy tájirıbe almasyp, sheberlikterin shyńdaǵandaryn aıtty.
Sheteldik qylqalam sheberleri de ózderiniń oı pikirlerin ortaǵa salyp, alǵan áserleri týraly baıandady.
Máselen, AQSh-tan kelgen Irın Porııagına kórmege 4 týyndysyn usynǵan. Sonyń ishinde Naýryzǵa qatysty salǵan sýreti ózine erekshe áser beripti. Al, Ózbekstannan kelgen Dıloram Mamedova Túrkistan týraly 2 sýret salǵan. Sýretshini túrkistandyqtardyń qonaqjaılylyǵy, tamasha tabıǵaty tántti etipti.
Kórmege jınalǵan kópshilik AQSh, Armenııa, Polsha, Túrkııa, Býrıatııa, Reseı, Ózbekstan elderinen kelgen jıyrmadan asa sýretshiniń Túrkistan týraly salǵan sýretterin tamashalady.
Kórmede qonaqtar men is-sharany uıymdastyrýshylarǵa kádesyılar men arnaıy alǵyshattar tabys etildi.
Aıta keteıik, osydan eki apta buryn Túrkistanda «Nauriz in Turkistan» halyqaralyq sýretshileri forýmy bastalǵan bolatyn.