Sheteldikterge Qazaqstanda turýǵa ruqsat berý tártipteri ózgermek

ASTANA. QazAqparat – QR Іshki ister mınıstrligi sheteldikter men azamattyǵy joq adamdarǵa Qazaqstanda ýaqytsha jáne turaqty turýǵa ruqsat berý qaǵıdalaryna ózgerister engizýdi usyndy. Tıisti buıryq «Ashyq NQA» saıtynda jarııalandy, dep habarlaıdy QazAqparat tilshisi.

Qujat «adam saýdasynyń qurbany» jáne «pana izdegen adam» termınderimen tolyqqan.

«Adam saýdasynyń qurbandaryna jáne pana izdegen adamdarǵa qatysty qabyldaýshy tarap jergilikti atqarýshy organdar bolyp tabylady. Ýaqytsha turýǵa ruqsat uzartý múmkindigimen alty aıǵa resimdeledi, biraq úsh aıdan aspaıdy», - delingen qujatta.

Al turaqty turýǵa ruqsat alý úshin ishki ister organdaryna júginip, tıisti qujattary men ótinim bergen ımmıgrattarǵa talaptarǵa sáıkes kelgen jaǵdaıda 90 kúnnen aspaıtyn merzimge ýaqytsha turýǵa ruqsat beriledi.

Qyzmet babymen Qazaqstanǵa keletin sheteldikterge ýaqytsha turýǵa ruqsat belgilengen merzimge resimdeledi. Eger ony uzartatyn bolsa, jalpy elde bolý ýaqyty 1 jyldan aspaýy tıis.

Sonymen qosa, jańa ózgeriske sáıkes, gýmanıtarlyq maqsattar boıynsha kóship kelýshilerge ýaqytsha turýǵa ruqsat jergilikti atqarýshy organdardyń qoldaýhaty negizinde uzartý quqyǵymen 90 kúnge beriledi.

Buıryqty ashyq talqylaý 22 qarashaǵa deıin jalǵasady.

Eske salaıyq, buǵan deıin depýtattar saýalyna jaýap bergen Premer-Mınıstr Álıhan Smaıylov Reseı azamattarynyń Qazaqstanǵa kelip-ketýi qalypty deńgeıge oralǵanyn atap ótken bolatyn.