«Sheteldikterden uıat boldy» - BAQ-qa sholý

ASTANA. 6 sáýir. QazAqparat - QazAqparat» agenttigi respýblıkalyq basylymdarda 6 sáýir, senbi kúni shyqqan ózekti materıaldarǵa sholýdy usynady.

***
«Egemen Qazaqstan» gazetindegi «Yqpaldastyq arta túsýi tıis» atty maqalada Premer-Mınıstr Serik Ahmetovtiń Ýkraınaǵa resmı sapary keńinen baıandalady.

«Keshe Premer-Mınıstr Serik Ahmetov Ýkraınaǵa resmı sapary aıasynda Ýkraına Prezıdenti Vıktor ıAnýkovıchpen kezdesti.

Kezdesý barysynda Qazaqstan men Ýkraına arasyndaǵy ynty­maq­tastyq qarym-qatynastar jaıy sóz boldy. Eki eldiń saýda-eko­nomıkalyq baılanysyn damyta túsýdiń perspektıvalary talqylanyp, keleshekte taýar aınalymyn arttyrý máselesi aıtyldy. Eki el arasynda qalyptasqan syndarly saıası dıalogty odan ári de jetildirip, búginge deıin jaq­sy jolǵa qoıylǵan joǵary tehnologııa, energetıka syndy salalardaǵy baılanystardy arttyra túsý qajettigi atap ótildi. Sondaı-aq, taraptar áńgime barysynda álemdi daǵdarys alańdatyp otyrǵan qazirgideı qıyn kezeńde elderdiń ekonomıkalyq salada baılanysty jetildirýi asa mańyzdy ekendigin tilge tıek etti», - dep jazady basylym.

Sondaı-aq «Egemen Qazaqstan» búgingi sanyndaelimizdiń baspasóz betterinde qoldanylyp júrgen«Alashankoý» ataýyna qatysty másele kóterdi. «Bul ataý qazaqtildi BAQ betterinde «Alashańqaı» tú­rinde qate qoldanylyp júr», - dep jazady basylym «Alashańqaı» emes, «Alataý ótkeli» atty zertteý materıalynda.

«Qytaıdyń «Alashankoý» sózin orystildiler fonetıkalyq yq­palyn saqtaı otyryp sol kúıin­de qabyldap, qoldanyp ket­ken. Eger bul termınniń etı­mologııalyq tórkinine úńilsek, tap-taza túrkilik belgige tap bo­lamyz. Dálme-dál maǵynasy bylaısha aýdarylady: «ala» - ala, (qytaısha derbes maǵynasy joq, bálkim qazaq tilinen engen bolýy múmkin); «shan» - taý, (mysaly, «Tıan-shan» - Táńirtaý t.s.s.); «koý» - ótkel, shekaralyq beket. ıAǵnı durysy «Alataý ótkeli» nemese «Alataý shekara beketi», - degen pikir bildiredi avtor.

***

«Aıqyn» gazetinde«Sheteldikterden uıat boldy»degen maqala oqyrman nazaryna usynylyp otyr. «Qazaqstanda zań jobasynyń barlyǵy resmı tilde jazylady da, sońynda memlekettik tilge aýdarylady. Óz aldymyzǵa egemen el atanǵanymyzǵa 22 jyl tolsa da jaǵdaı osy. Qazaqtardyń mundaı dármensizdigine bertinge deıin kúlip kelgen ózge memleketter endi kúıinetin jaǵdaıǵa jetti. Óıtkeni ózimizdegisin aıtpaǵannyń ózinde Parlamenttiń qabyldaýymen Prezıdent qol qoıatyn nemese úkimetaralyq deńgeıde kelisilgen halyqaralyq sharttar men konventsııalardyń qazaq tilindegi aýdarmasynan keıinnen masqara qateler tabylady eken. Sodan soń amalsyzdan Syrtqy ister mınıstrligi mámile jasasqan memleketke notalar jóneltip, álgindeı qujattardyń túpnusqasyn qaıtarýdy surap, uıatqa qalyp júr».

Almaty qalasynda BUU Qaýipsizdik keńesine múshe AQSh, Germanııa, Qytaı, Reseı, Ulybrıtanııa jáne Frantsııanyń qatysýymen Irannyń ıadrolyq baǵdarlamasy máselesin retteýge baılanysty Iran ıadrolyq baǵdarlamasy boıynsha halyqaralyq E3/EU+3 kelissózderiniń kezekti raýndy ótip jatyr.

«Eýropalyq dıplomatııanyń basshysy, Eýropalyq Odaqtyń syrtqy ister jáne qaýipsizdik saıasaty jónindegi joǵarǵy ókili Ketrın Eshton Iran ıadrolyq baǵdarlamasy jónindegi kelissózderdiń kezekti raýnd­tary aıasyndaǵy kezdesýlerdi Almatyda qabyldaý týraly usynys jasaǵan Qazaqstan ókimetine alǵysyn bildirdi. Almatydaǵy 5+1 kezdesýleri Iran ıadrolyq baǵdarlamasyna qatysty senim­dilikti nyǵaıtýdaǵy alǵa basýshylyqtyń naqty múmkindigi bolyp tabylady», - dep atap ótedi «Aıqyn» «Almatydaǵy 5+1 senimdilikti nyǵaıtady» degen taqyryppen berilgen materıalynda.

***

«Alash aınasy» gazetiniń búgingi sanynda «Para bermeseń, balabaqshada oryn joq...» atty maqala jarııalandy. «Bizdiń elimizdegi ata-analardyń balasyn memlekettik balabaqshaǵa ornalastyrý úshin beretin jyl saıynǵy parasynyń kólemi 1,5 mlrd teńgeni qurapty. Mundaı bas shaıqatyp, tańdaı qaqtyrarlyq somany jemqorlyqqa qarsy qoǵamdyq birlestikterdiń biri «Qazpotrebnadzor» ortalyǵy taratyp otyr», - delingen onda.